سۋرەت: zhaikpress.kz
بۇگىندە مەملەكەت تاراپىنان وسكەلەڭ ۇرپاقتى, اسىرەسە اۋىل جاستارىن قولداۋعا باعىتتالعان ءتۇرلى باعدارلاما از ەمەس. بىراق ول جونىندە كوپتەگەن جاستار انىق بىلە بەرمەيدى. «وبلىستىڭ بۇكىل اۋدانىن ارالاپ, جاستارمەن كەزدەسۋدى ماقسات تۇتقان كەرۋەننىڭ كوزدەگەنى – وسى كەمشىلىكتى جويۋ», دەيدى جوبا جەتەكشىسى ايبولات قۇرىمباەۆ.
ايبولات شامۇرات ۇلىنىڭ ايتۋىنشا, وسى جوبا اياسىندا قازاقستان پرەزيدەنتىنىڭ جىل سايىنعى جولداۋى مەن «تاۋەلسىزدىك بارىنەن قىمبات» اتتى ماقالاسى, ء«بىز وزىق ويلى ۇلت رەتىندە تەك قانا العا قاراۋىمىز كەرەك» دەگەن تاقىرىپپەن جارىق كورگەن سۇحباتى جاستار اراسىندا تەرەڭ تالقىلانادى. جاستار الەۋەتىن دامىتاتىن باعدارلامالار تۋرالى اقپارات بەرىلەدى. سونداي-اق مەملەكەتتىك باعدارلامالاردى جەتىلدىرۋ بويىنشا اۋىل جاستارىنان, ءتىپتى وقۋشىلاردان دا ۇسىنىس-پىكىر جينالادى.
وسىنداي جوبالاردىڭ ارقاسىندا جاستار اراسىنداعى جۇمىسسىزدىق دەڭگەيى جىلدان-جىلعا تومەندەپ, كاسىپكەرلىككە بوي ۇرعان جاستار كوبەيىپ كەلەدى. رەسمي ستاتيستيكا دا وسىنى راستاپ وتىر. مەملەكەتتىڭ جاستارعا دەگەن قولداۋىنىڭ ناتيجەسىندە وڭ وزگەرىس بايقالادى.
«جاستار كەرۋەنىنىڭ» العاشقى ساپارى سىرىم جانە قاراتوبە اۋداندارىنان باستالدى. قاراتوبەدە اۋدان جاستارىمەن كەزدەسۋ بارىسىندا «وتباسى حرەستوماتياسى» قوعامدىق قورىنىڭ باتىس قازاقستان بويىنشا وكىلى سۆەتلانا دۇيسەنباەۆا وتباسى قۇندىلىقتارى تۋراسىندا, الىشەر عۇماروۆ ۆيدەوگرافيا سالاسى بويىنشا, «Batys Oil» ترەنينگ ورتالىعىنىڭ نۇسقاۋشىسى سۆەتلانا تەنيشەۆا «العاشقى كومەك كورسەتۋ داعدىلارىن وقىتۋ» تاقىرىبىندا, ال جوبا جەتەكشىسى ايبولات قۇرىمباەۆ «ۆولونتەرلىك قىزمەت» تاقىرىبىندا ترەنينگ وتكىزدى.
كەزدەسۋ كونتسەرتتىك باعدارلامامەن اياقتالىپ, جاستارعا جاعىمدى اسەر سىيلادى. جاستاردىڭ وزەكتى ماسەلەلەرى مەن پىكىرلەرى ءارتۇرلى بولعانىمەن, جوبانىڭ ماقساتى – ولارعا قولداۋ كورسەتۋ جانە بولاشاققا سەنىمدىلىكپەن قاراۋعا باعىتتاۋ. بۇل ماقسات ورىندالعان سياقتى.
«جاستار كەرۋەنى» 11-27 قاراشا ارالىعىندا سىرىم, قاراتوبە, ءبورلى, شىڭعىرلاۋ, تەرەكتى, تاسقالا, بايتەرەك, اقجايىق, قازتالوۆ, بوكەي ورداسى, جانىبەك, جاڭاقالا اۋداندارىندا بارلىعى 1300-گە جۋىق جاسپەن كەزدەسۋ وتكىزۋدى جوسپارلاپ وتىر. كەزدەسۋ بارىسىندا جاستاردىڭ وزەكتى ماسەلەلەرى تىڭدالىپ, ولارعا مەملەكەتتىك باعدارلامالار, ۇلتتىق قۇندىلىق, كاسىپكەرلىك, وتباسى تاربيەسى جانە ت.ب. تاقىرىپتاردا اقپارات بەرىلەدى. ترەنەرلەر جاستارمەن پىكىر الماسىپ, ولاردىڭ سۇراقتارىنا جاۋاپ بەرەدى. سپورتتىڭ ءتۇرلى سالالارىنان جەتىستىككە جەتكەن جاس سپورتشىلار بوس ۋاقىتتى ءتيىمدى وتكىزۋدىڭ جولدارىن ۇيرەتەدى. ءار اۋداننىڭ وزەكتى ماسەلەلەرىنە نازار اۋدارىلادى.
باتىس قازاقستان وبلىسى
