فوتو نىساندا – تۇمسا تابيعات

سونىمەن الماتىدا «قازاق­ستاننىڭ تۇمسا تابيعاتى» ۆەب-سايتىنىڭ تۇساۋكەسەر ءراسىمى ءوتىپ, سايت تانىستىرىلىمى اياسىندا اتتاس فوتوكورمە قاتار اشىلىپ, جۇرتشىلىق نازارىنا جوبا دەرەكقورىنا كىرگەن جان-جانۋارلاردىڭ تاماشا سۋرەتتەرى ۇسىنىلدى. وسى ارادا جاڭا جوبانىڭ بىرنەشە جاقسى قىرى بار ەكەنىنە توقتالا كەتۋ كەرەك, ەگەر تەك فوتوونەردىڭ وتىزعا جۋىق جانرى بولسا, بۇل وسى باعىتتىڭ دامۋىنا سەرپىن بەرەرى ءسوزسىز. ءبىر جاعىنان جاڭا سايت عىلىمعا دەگەن قىزىعۋشىلىقتى ارت­تىرۋعا سەپتەسىپ, بيوالۋاندىقتى ساقتاۋدىڭ ماڭىزدىلىعىنا قوعام نازارىن اۋداراتىنى داۋسىز.

ءبىر ەمەس, ءۇش بىردەي جوعارى وقۋ ورنىنىڭ فوتوونەردى مەڭگەرىپ جۇرگەن ستۋدەنتتەرىنىڭ قىزىعۋشىلىعىن ويات­قان ىلكىمدى جوبانى «شەۆرون» كوم­پانيا­سىنىڭ دەمەۋشىلىگىمەن «EcoFor­ming» ەكو­لوگيا جانە ءبىلىم بەرۋ قورى­مەن بىرگە قا­­زاقستان زوولوگيا ينستيتۋتى مەن «National Geographic Qazaqstan» جۋرنا­لى­نىڭ قولداۋىمەن جۇزەگە اسىرىلىپ جاتىر.

جوبا اۆتورلارىنىڭ ايتۋىنشا, جاڭا سايت ينتەرنەت-پايدالانۋشىلارعا ەلىمىزدىڭ جان-جانۋارلار الەمىن كە­ڭىنەن ناسيحاتتاۋدى, اڭ مەن قۇستاردىڭ بىرەگەيلىگىن كورسەتۋدى ماقسات ەتكەن. سوعان وراي, ءاربىر تىرشىلىك يەسىنىڭ ءتۇر-سيپاتى مەن ەرەكشەلىكتەرىن تانى­تاتىن جوعارى ساپالى پورترەتتىك فوتو­تۇسىرىلىمدەر جاسالعان. فوتوگالەرەيا جو­با­نى دامىتۋ بارىسىندا تىڭ دەرەكتەر­مەن, جاڭا فوتوسۋرەتتەرمەن تولىعا بەرمەك.

ءبىر جاعىنان «قازاقستاننىڭ تۇمسا تابيعاتى» ۆەب-سايتى ستۋدەنتتەر مەن وقۋشىلار ءۇشىن عانا ەمەس, بايتاق ەلى­مىزدىڭ فاۋناسىن زەرتتەۋشىلەرگە دە كور­نەكتى ءارى باعالى دەرەكقور رەتىن­دە قىزمەت اتقارادى. بوياۋى قانىق پلات­فورمانىڭ بىرەگەيلىگى سوندا – مۇندا تۇمسا تابيعاتتاعى جان-جانۋارلار دۇنيە­­سىن تانىپ-بىلگىسى كەلەتىن زەرتتەۋ­شىلەر مەن اۋەسقويلارعا اڭدار مەن قۇس­تاردىڭ پورترەتتىك ءھام تابيعي ورتا­داعى جوعارى ساپالى فوتوسۋرەتتەرى ۇسى­نىلماق.

تاماشا جوبانىڭ تۇساۋكەسەر را­سىمىندە «شەۆرون» كومپانياسىنىڭ الەۋمەتتىك ينۆەستيتسيالار بويىنشا كەڭەسشىسى لەيلا ايتمۇحانوۆا مەن جوبالىق كوماندا وكىلى قانات اباشوۆ جۇمىستاردىڭ قالاي ءجۇرىپ جاتقانى تۋرالى قىزىقتى باياندادى.

وسى جوباداعى ەڭ قيىن دا قىزىقتى جۇمىستى اتقارعان فوتوگرافتار – «National Geographic Qazaqstan» جۋر­نا­لىنىڭ شەف-فوتوگرافى ەربولات شادرا­حوۆ پەن تۇمسا تابيعات فوتوگرافى ۆلاديسلاۆ ياكۋشكينگە ءسوز بەرىلگەندە, كوزمەرگەندەر ەلىمىزدىڭ زووباقتارى مەن ۇلتتىق قورىقتارداعى قىزىقتى ساتتەردى ەرەكشە اسەرمەن اڭگىمەلەدى.

الماتى