استانا. 30 ءساۋىر. مەملەكەت باسشىسى نۇرسۇلتان نازارباەۆ «استانا مەن الماتى قالالارىنىڭ, وبلىستاردىڭ اكىمدەرى تۋرالى» جارلىققا قول قويدى. بۇل تۋرالى akorda.kz حابارلادى.
«استانا جانە الماتى قالالارىنىڭ, وبلىستاردىڭ اكىمدەرى تۋرالى» جارلىق
قازاقستان رەسپۋبليكاسى كونستيتۋتسياسىنىڭ 87-بابىنىڭ 5-تارماعىنا سايكەس جاڭادان سايلانعان قازاقستان رەسپۋبليكاسىنىڭ پرەزيدەنتى قىزمەتىنە كىرىسكەن كەزدە استانا جانە الماتى قالالارى, وبلىستار اكىمدەرى وكىلەتتىگىنىڭ توقتاتىلۋىنا بايلانىستى قاۋلى ەتەمىن:
- استانا جانە الماتى قالالارىنىڭ, وبلىستاردىڭ اكىمدەرى ءتيىستى اكىمدەر تاعايىندالعانعا دەيىن ءوز مىندەتتەرىن اتقاراتىن بولسىن.
- وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
