فوتو: instagram.com/maulen_ashimbayev
ايتا كەتەيىك, بۇگىن «تالداۋ مەكتەبى» جوباسىنىڭ ءتورتىنشى كەزەڭىنە وتىنىمدەر قابىلداۋ باستالدى.
ماۋلەن اشىمباەۆ مەملەكەت باسشىسى قاسىم-جومارت كەمەل ۇلى توقاەۆ ەلىمىزدىڭ ورنىقتى دامۋى جولىندا تالداۋ تاسىلدەرى ماڭىزدى ءرول اتقاراتىنىن ۇنەمى ايتىپ كەلەتىنىن ەسكە سالدى.
«وسىعان بايلانىستى ءبىز ارىپتەستەرىمىزبەن بىرلەسىپ, بىرنەشە جىل بويى جاس مامانداردىڭ اناليتيكالىق قابىلەتتەرىن دامىتۋعا اتسالىسىپ كەلەمىز. بۇگىنگە دەيىن جوبا اياسىندا مەملەكەتتىك قىزمەت, ۇلتتىق كومپانيالار, ءبىلىم بەرۋ جانە عىلىمي مەكەمەلەردە, سونداي-اق, وزگە دە سالالاردا ەڭبەك ەتەتىن 200-گە جۋىق جاس مامان بىلىكتىلىگىن شىڭدادى», دەپ جازدى سەنات توراعاسى.
«تالداۋ مەكتەبىنىڭ» ءتورتىنشى كەزەڭى 2025 جىلدىڭ 11 قاڭتارى مەن 1 ناۋرىزى ارالىعىندا ۇيىمداستىرىلادى. دارىستەر ءداستۇرلى تۇردە ءار سەنبى سايىن ءوتىپ وتىرادى.
ء«تورتىنشى كەزەڭنىڭ تاقىرىبى – «مالىمەتتەرگە نەگىزدەلگەن شەشىمدەر قابىلداۋ (Data-Driven Decision Making) پروتسەسىندەگى تالداۋ جانە تسيفرلىق تەتىكتەر». قاتىسۋشىلار سەگىز اپتالىق كۋرستار اياسىندا وسى باعىتتاعى قولدانبالى ءادىس-تاسىلدەردى مەڭگەرەدى. مەكتەپ قاتىسۋشىلارىنا بەلگىلى قازاقستاندىق جانە شەتەلدىك ساراپشىلار ءدارىس وقىپ, مەنتور رەتىندە باعىت-باعدار كورسەتەدى», دەلىنگەن جازبادا.
جوبا جانە بايقاۋ شارتتارى تۋرالى تولىعىراق اقپاراتپەن پارلامەنت سەناتىنىڭ سايتىندا https://senate.parlam.kz/ru-RU/taldau/2025/apply, سونداي-اق, تالداۋ مەكتەبى - شكولا اناليتيكي مەن سەنات جانىنداعى ساراپشىلار كلۋبىنىڭ الەۋمەتتىك جەلىلەردەگى پاراقشالارىندا تانىسۋعا بولادى.
