داعدارىستى جەڭگەن لەۆيننىڭ كاسىبى

“تەك ءوزىڭنىڭ سۇيىكتى ءىسىڭدى تاۋىپ, ونى جاقسى ەتىپ جاساۋعا ۇمتىلۋ كە­رەك”. پەتروپاۆلداعى ءوزى اتتاس جيھاز كا­سىپورنىنىڭ نەگىزىن قالاۋشى كا­سىپكەر ۆلاديمير لەۆيننىڭ داعدارىسقا قارسى ءدارۋى مىنە وسىنداي. ۆلاديمير داۆىدوۆيچ ءوزىنىڭ سۇيىكتى ءىسىن بۇدان جيىرما جىل بۇرىن, اتاپ ايتقاندا, 1989 جىلى باستاعان ەدى. ول الدىمەن جيھاز وندىرىسىندە مامان بولىپ ىستەدى. ال قازىر كاسىپكەردىڭ بيز­نەسى دامۋدىڭ جاڭا سەرپىنىنە يە بولدى. قازكوممەرتسبانكتەن العان نەسيە قار­جىلاندىرۋدىڭ ساپالى سەكىرىسىن قام­تاماسىز ەتتى. ول “سامۇرىق-قازىنا”, “دامۋ” مەملەكەتتىك قورلارىمەن كە­لى­سىم شەڭبەرىندە جۇزەگە استى. بۇل قور­لار وڭدەۋشى ونەركاسىپ سالاسىندا ىستەي­تىن كاسىپكەرلەردى قارجىلاندىرۋعا ماشىقتانعان. كاسىپكەرگە وتاندىق بيز­نەستى داعدارىسقا قارسى قولداۋ ماق­سا­تىندا بولىنگەن ءتورتىنشى ترانشتىڭ شەڭ­بەردە 32 ميلليون تەڭگە مولشەرىندە نەسيە بەرىلدى. – ۆلاديمير ءداۆىدوۆيچتىڭ كاسىپورنى بىزگە جاقسى تانىس, – دەيدى “قازكوممەرتسبانك” اق پەتروپاۆل فيليالىنىڭ ديرەكتورى تالعات سۇلتانعازين. – 2007 جىلدان باستاپ جيىنتىق­­تى, جۇمساق جانە اعاش جيھاز ءوندىرىپ, ساتۋمەن اينالىساتىن “لەۆين” جك قازكومنىڭ كليەنتى بولىپ تابىلادى. بىزگە كاسىپكەردىڭ ىسكەرلىك ماقساتكەرلىگى مەن ءوز ىسىنە دەگەن سۇيىسپەنشىلىگى وتە ۇنايدى. ول اركەز العا قاراي ۇمتىلىپ وتىرادى. ءوزىنىڭ جەكە ءۇيىنىڭ ءبىرىنشى قاباتىن شەبەرحانا ەتىپ جابدىقتاعان لەۆين, 1991 جى­لى بەس جالدامالى جۇمىسشىمەن بىرگە جەكە ءون­دىرىسىندە ستانوكتارمەن اعاشتان العاشقى بۇي­­­ىمدار جاساۋدى باستادى. سودان بەرى كا­سىپورىن ءوسىپ, وركەندەدى. ىسكەر جان جەكەمەن­شىك دۇكەندەر اشتى. قازىرگى تاڭدا وزىندىك تەحنولوگياسى بار باسەكەلەستىككە قابىلەتتى ءوندىرىس ورنى ەكەنى بارشاعا ايان. كاسىپورىن تولىق تىزبەكتى وندىرىسكە يە. ول ءونىم وندىرۋدەن باستاپ دايىن بۇيىمداردى ساتۋعا دەيىن اۋ­قىمدى جۇمىستار اتقارادى. مىنانى اتاپ ايتقىم كەلەدى, “لەۆين” جك سولتۇستىك قا­زاقستان وبلىسىنداعى ونەركاسىپتىك اۋقىمداعى اعاش جيھازدارىن وندىرەتىن جالعىز ءوندىرۋشى. كاسىپورىننىڭ ەرەكشەلىگى تەك دەربەس تاپسى­رىس بويىنشا جيىنتىقتى جيھاز جاساۋعا ما­ماندانعانىن اتاپ ايتقان ءجون. بۇل ونىڭ فير­مالىق بەلگىسى. تۇرعىندار جيھاز جاساۋ­شى­لاردىڭ بۇيىمدارىن تۇتىنۋعا ەرەكشە قۇشتار, ويتكەنى ءونىم جوعارى ساپاسىمەن ەرەكشەلەنەدى. ازىرگە تاپسىرىسشى تاراپىنان شاعىم ءتۇسىپ كورگەن جوق. كاسىپورىن جيھازدىڭ سان الۋان ءتۇرىن جا­سايدى. اتاپ ايتقاندا تۇرعىن, كەڭسەلىك جانە سالونعا ارنالعان ءتارىزدى كوز جاۋىن الاتىن بۇيىمدار ەلىمىزدىڭ ءتۇرلى وڭىرلەرىندە ءوتىمدى. “لەۆيننىڭ” ءونىمى پەتروپاۆلدا عانا ەمەس, سونداي-اق جەزقازعاندا, پاۆلوداردا, قارا­عان­دىدا, استانادا, كوكشەتاۋدا, اقتاۋدا, ستەپنو­گوردا سۇرانىسقا يە. ارينە, نەسيە الۋ كاسىپكەرگە ۇلكەن قولداۋ بولعاندىعىن بانكتەگىلەر ماقتانىشپەن ايتا­دى. قازىر نەسيەلىك رەسۋرستارعا قولجەتىمدىلىك قيىنداي تۇسكەن. ونى الۋ ءۇشىن الدىمەن ءوندىرىستى وركەندەتۋ, سونداي-اق اينالىمداعى قارجىنى بارىنشا ءتيىمدى جۇمساۋ ءتارىزدى تالاپتار قويىلعان. – بەرىلگەن نەسيە بويىنشا مولشەرلەمەنىڭ تالابى دا قاتاڭ, بىراق ونىڭ جەڭىلدەتىلگەن شارتتارى دا بار, دەپ ءسوزىن ودان ءارى جالعادى “قاز­كوممەرتسبانك” اق پەتروپاۆل فيليا­لى­نىڭ ديرەكتورى ت.سۇلتانعازين مىرزا. – ماسەلەن, ءبىز نەگىزگى بەرەشەكتى وتەۋ بويىنشا 24 ايلىق كەزەڭگە جەڭىلدىك بەرەمىز. وسىلايشا, كاسىپورىن قاجەتتى جابدىق الۋىنا, ونى ورناتىپ, جۇ­مىس­تى باستاۋىنا بولادى. سونىمەن بىرگە ءونىم شىعارىپ, تابىسقا كەنەلە باستاي­دى. ال كەپىلگە قويۋ ماسەلەسىنە كەلەتىن بولساق, ول زاەمشىعا بانكتىڭ ستان­دارت­تى جاعدايىندا بەرىلەدى. تاعى دا مىنانى اتاپ وتكىم كەلەدى, بانككە دە وندىرىستىك سەكتور قىزىقتى, ويتكەنى ول وتاندىق ءونىمدى ءوندىرىپ, ناقتى ءوندىرىس قۇرايدى. ءبىز وندىرىستىك بيزنەستى بەلسەندى تۇردە نەسيەلەيمىز جانە دە مەملەكەتتىك باعدارلاماعا قاتىسۋشى رەتىندە وندىرىسشىلەرگە كۇردەلى كەزەڭدى ەڭسەرىپ, داعدارىستان نىعايىپ شىعۋى­نا مۇمكىندىك بەرەمىز. ۆلاديمير داۆىدوۆيچ بەرىلگەن نە­سيە­نى بيزنەستى ودان ءارى دامىتۋعا ءمۇم­كىندىك بەرەتىن تەتىك رەتىندە ەرەكشە باعالايدى. – قازكومعا جانە “دامۋ” قورىنا نەسيەنى قايتا قارجىلاندىرۋ مۇمكىندىگى ءۇشىن ۇلكەن راحمەت. تومەندەتىلگەن مولشەرلەمە بويىنشا نەسيەنى تولەۋ ەداۋىر جەڭىلدەي ءتۇستى, دەپ كاسىپ­كەر لەۆين مويىندايدى. – ايتكەنمەن, ءبىزدىڭ كاسىپورىن داعدارىستى سەزىنبەي قالعان جوق. قازكومنىڭ جانە “دامۋ” قورىنىڭ ارقا­سىندا ءبىز الداعى كۇندەرگە دەگەن سەنىمى­مىزدى جو­عالت­پاي, جۇمىس ورىندارىن ساقتادىق. تۇ­تىنۋ­شىلارعا قاجەتتى جيھازدى ءوندىرۋدى توق­تات­قان جوقپىز. ونىڭ قولجەتىمدى باعاعا جانە جو­عارى ساپاعا يە بولۋىنا كۇش-جىگە­رىمىزدى جۇم­سادىق. توككەن تەرىمىز تەككە كەتپەدى. كاسىپ­ورىننىڭ جۇمىسى قازىرگى تاڭدا قالىپتى. ءوز ىسىڭە سەنسەڭ, الىنبايتىن قامال جوق ەكەن. ءجا­نە دە جاقسى ارىپتەستەر جانىڭنان تابىلىپ جات­سا, كەز كەلگەن جاعدايدا, جاڭا جوسپارلار قۇ­رىپ, جۇزەگە اسىرۋعا بولادى. مەملەكەت تارا­پى­نان جاسالعان ۇلكەن قولداۋ دەپ وسىنى ايتقان ابزال. … مىنە وسىلايشا, لەۆيننىڭ ءىسى داعدارىستى بىرتە-بىرتە ەڭسەرىپ كەلەدى. دينارا ءۇسىپوۆا.