اتىراۋدا 94 ملن. تەڭگەنىڭ جالاقى قارىزى وتەلدى

اتىراۋ. 30 قاڭتار. اتىراۋ وبلىسى پروكۋرورلارىنىڭ قاداعالاۋىمەن 94 ميلليون تەڭگە كولەمىندەگى جالاقى قارىزى وتەلدى. بۇل تۋرالى وبلىستىق پروكۋراتۋرا حابارلادى. جالاقىنى ۋاقىتىندا تولەمەگەن جۇمىس بەرۋشىلەردىڭ قىساستىعى جايىندا پروكۋروراتۋرا ورگاندارىنا ۇدايى شاعىم ءتۇسىپ تۇرادى. وسىنداي شاعىمدار نەگىزىندە بىلتىر اتىراۋ وبلىسىندا جالاقى قارىزى 94 ميلليون تەڭگەنى قۇراعانى بەلگىلى بولىپتى. وبلىس پروكۋرورىنىڭ ورىنباسارى سەرىك شالاباەۆتىڭ ءمالىم ەتۋىنشە, 3 مىڭنان استام جۇمىسشىنىڭ ەڭبەك قۇقى قورعالىپ, جالاقى قاتىستى پروبلەمالىق ماسەلەلەر شەشىمىن تاۋىپتى. اسىرەسە, بانكروتتىق قامىتىن كيگەن «اتىراۋبالىق» اكتسيونەرلىك قوعامى مەن جۇمىسىن توقتاتقان «اسد» سەرىكتەستىگىنەن 500-گە جۋىق جۇمىسشىسىنىڭ جالاقىسى تولىقتاي تولەۋىنە پروكۋروراتۋرا قىزمەتكەرلەرى ىقپال ەتىپتى. ءسويتىپ, اتالعان ەكى كاسىپورىننىڭ جۇمىسشىلارى ءۇشىن 48 ميلليون تەڭگەنى قۇراعان جالاقى قارىزى تولىق وتەلگەن. جولداسبەك شوپەعۇل. دەرەك: اتىراۋ وبلىستىق پروكۋراتۋراسى. سۋرەت: راحىم قويلىباەۆ.