فوتو:facebook.com/buducnostsrbijeavucic
سەربيا پرەزيدەنتى الەۋمەتتىك جەلىدەگى پاراقشاسىندا مەملەكەت باسشىسى قاسىم-جومارت توقاەۆتىڭ قۇرمەتىنە كەشكى اس فورماتىندا دوستىق كەزدەسۋ وتكەنىن جازدى.
مەملەكەت باسشىسى قاسىم-جومارت توقاەۆ الەكساندر ۆۋچيچكە ءبىر ساندىق الماتى اپورتىن تارتۋ ەتكەن.
سونداي-اق الەكساندر ۆۋچيچ سەربيانىڭ دوس ەلدەرگە ماقتانىشپەن ەسىگىن اشاتىنىن جانە بۇل كەش وسىنىڭ تاعى ءبىر دالەلى ەكەنىن اتاپ ءوتتى.
ەستەرىڭىزگە سالا كەتەيىك, 18 قاراشادا قاسىم-جومارت توقاەۆتى بەلگراد اۋەجايىندا سەربيا پرەزيدەنتى الەكساندر ۆۋچيچ قارسى العان بولاتىن.
ايتا كەتەيىك, قازاقستان مەن سەربيا اراسىنداعى ديپلوماتيالىق قارىم-قاتىناستىڭ ورناعانىنا 28 جىل تولدى. وسى جىلدار ىشىندە ەلدەر ساۋدا, ينۆەستيتسيا جانە مادەنيەت سالالارىنداعى ەكىجاقتى ىنتىماقتاستىقتى تەرەڭدەتە ءتۇستى.
