ماڭعىستاۋ سوتتارىندا 42 مىڭنان استام ءىس قارالعان

اقتاۋ. 30 قاڭتار. ماڭعىستاۋ وبلىسى سوتتارىندا وتكەن جىلى 42 171 ءىس پەن ماتەريال قارالعان. بۇل تۋرالى ماڭعىستاۋ وبلىستىق سوتى حابارلادى. وتكەن جىلى ماڭعىستاۋ وبلىسى سوتتارىمەن قارالعان ىستەر مەن ماتەريالدار – 2013 جىلمەن سالىستىرعاندا 4 مىڭ ىسكە ارتىق. ماڭعىستاۋدا اسا اۋىر قىلمىس بويىنشا كورسەتكىش 82 ادامنان 41 ادامعا كەمىگەن جانە بارلىعى باس بوستاندىعىنان ايرىلۋ جازاسىنا كەسىلگەن. ال اۋىر قىلمىستار جالپى قىلمىستىڭ 39,0 پايىزدان 40,0%-عا,  اۋىرلىعى ورتاشا قىلمىس بويىنشا 34,6%-دان 35,3%-عا, ونشا اۋىر ەمەس قىلمىستار 17,2%-دان 19,5%-عا ارتقان. ماڭعىستاۋ وبلىسى بويىنشا ەڭ كوپ كەزدەسەتىن قىلمىس تۇرلەرى ۇرلىق, الاياقتىق, بۇزاقىلىق جانە توناۋ قىلمىستارى بولدى. سىبايلاس جەمقورلىق قىلمىسىمەن ايىپتالعان 41 تۇلعاعا بايلانىستى 32 قىلمىستىق ءىس تۇسسە, ەسىرتكىگە بايلانىستى 2014 جىلى 47 تۇلعا سوتتالىپ, ونىڭ 44-ءى باس بوستاندىعىنان ايىرىلعان. ەكونوميكالىق كونترابانداعا بايلانىستى 14 تۇلعاعا قاتىستى 13 ءىس قارالىپ, بارلىعى تۇرمەگە وتىرعىزىلعان. ماڭعىستاۋدا سونداي-اق, ايەل ادامدارمەن جاسالعان قىلمىستار 2013 جىلمەن سالىستىرعاندا 135-تەن 191-گە ارتقان. گۇلايىم شىنتەمىرقىزى. دەرەك: ماڭعىستاۋ وبلىستىق سوتى. سۋرەت: سەرىك مايەمەروۆ.