مينسكىدە باس پروكۋرورلار ماڭىزدى ماسەلەلەردى تالقىلادى

استانا. 30 قاڭتار. مينسكىدە قازاقستان, رەسەي, بەلارۋس ەلدەرى باس پروكۋرورلارى – اسحات داۋىلباەۆ, يۋري چايكا جانە الەكساندر كونيۋكتىڭ ۇشجاقتى كەزدەسۋى بولىپ ءوتتى. بۇل تۋرالى egemen.kz ءتىلشىسى حابارلادى. تاراپتار ورتاق ەكونوميكالىق كەڭىستىك جاعدايىنداعى وزەكتى ماسەلەلەردى, ونىڭ ىشىندە حالىقتىق سۇرانىستاعى تاۋارلار اينالىمىنا قاتىستى, اۆتوموبيلدەردى زاڭسىز كىرگىزۋ جانە تىركەۋ, قوسىمشا قۇن سالىعىن زاڭسىز قايتارۋ سالاسى, سونداي-اق ەۋرازيالىق وداق قىزمەتى اياسىنداعى ماسەلەلەردى شەشۋ بويىنشا ساراپشىلار توبىن قۇرۋ تۋرالى تالقىلادى. سۇحباتتاسۋشىلار ەكونوميكالىق ينتەگراتسيا تۇرعىسىندا ەاەق ەلدەرى قاداعالاۋشى ورگاندارىنىڭ ىنتىماقتاستىعىن تەرەڭدەتۋ ايماقتاعى زاڭدىلىقتى قامتاماسىز ەتۋ, ترانسۇلتتىق قىلمىسقا قارسى تۇرۋ, تۇراقتىلىقتى نىعايتۋ بويىنشا ورتاق ستراتەگيالىق مىندەتتەردى شەشۋگە باعىتتالعان باستى بىرىكتىرۋشى فاكتور ەكەندىگىن باسا ايتتى. سونىمەن قاتار, قازاقستان رەسپۋبليكاسىنىڭ باس پروكۋرورى اسحات داۋىلباەۆ مينسك قالاسىندا وتكەن سىبايلاس جەمقورلىققا قارسى تۇرۋ بويىنشا مەملەكەتارالىق كەڭەس وتىرىسىنىڭ ءبىرىنشى ۇيىمداستىرۋشىلىق وتىرىسىنا قاتىستى. فورۋم جۇمىسىنا قازاقستان, ارمەنيا, بەلارۋس, قىرعىزستان, رەسەي, تاجىكستاننىڭ قۇزىرلى ورگاندارىنىڭ وكىلدەرى قاتىستى. كەزدەسۋ بارىسىندا قۇقىقتىق تەتىكتەردى جەتىلدىرۋ جانە سىبايلاس جەمقورلىققا قاتىستى قۇقىق بۇزۋشىلىقتاردىڭ الدىن-الۋ, سونداي-اق ولاردىڭ سالدارىن جويۋ ماسەلەلەرى كەڭىنەن ءسوز بولدى. سىبايلاس جەمقورلىققا قارسى تۇرۋ بويىنشا مەملەكەتارالىق كەڭەس 6 مەملەكەتتىڭ (قازاقستان, ارمەنيا, بەلارۋس, قىرعىزستان, رەسەي جانە تاجىكستان) باسشىلارىمەن قۇرىلعان تمد-نىڭ سالالىق ىنتىماقتاستىق ورگانى بولىپ تابىلادى. كەڭەس سىبايلاس جەمقورلىققا قارسى تۇرۋ بويىنشا شارالاردى ۇيىمداستىرۋ جانە ۇيلەستىرۋدى, ونىڭ ىشىندە سىبايلاس جەمقورلىققا قارسى ۇلتتىق زاڭنامانى جاقىنداستىرۋ جانە ۇيلەستىرۋ, اقپارات الماسۋعا ىقپالداستىق ەتۋ, سونداي-اق كەڭەسكە قاتىسۋشى-مەملەكەتتەر قۇزىرلى ورگاندارىنىڭ ءوزارا ىنتىماقتاستىعىن نىعايتۋدى جۇزەگە اسىرادى. جولدىباي بازار. دەرەك: باس پروكۋراتۋرانىڭ ءباسپاسوز قىزمەتى. سۋرەت: time.kz.