ەلوردانىڭ جاڭا سارايشىق اۋدانىنا ماقسات سامات ۇلى اكىم بولدى. ونىڭ كانديداتۋراسىن پرەزيدەنت اكىمشىلىگى مەن قالالىق ءماسليحات دەپۋتاتتارى ماقۇلدادى. ول وسى ۋاقىتقا دەيىن الماتى اۋدانىن 2022 جىلدان بەرى باسقارعان.
ماقسات سامات ۇلى ەڭبەك جولىن 2007 جىلى الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ مامانى بولىپ باستادى.
2012 جىلدان 2019 جىلدىڭ مامىر ايىنا دەيىن الماتى وبلىسى اكىمىنىڭ اپپاراتىندا ءتۇرلى لاۋازىمداردى اتقارعان.
2019 جىلدىڭ مامىرىنان 2022 جىلدىڭ تامىزىنا دەيىن الماتى اۋدانى اكىمىنىڭ ورىنباسارى جانە بايقوڭىر اۋدانى اكىمىنىڭ ورىنباسارى قىزمەتتەرىن اتقارعان.
ماقسات سامات ۇلىنىڭ ورنىنا الماتى اۋدانىنىڭ اكىمى بولىپ 39 جاستاعى رۇستەم تاۋەكەلوۆ تاعايىندالدى. تاعايىندالعانعا دەيىن, 2022 جىلدىڭ قازان ايىنان باستاپ «ەلوردا قۇرىلىس كومپانياسى» جشس باسشىسى بولعان.
ەڭبەك جولىن قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىندە باستاعان. وسى جىلدار ىشىندە «بالقانتاۋ KZ» جشس باسقاردى, «ەلوردا قۇرىلىس كومپانياسى» جشس ديرەكتورىنىڭ ورىنباسارى, «قالالىق كولىك جۇيەلەرى» جشس باسقارما توراعاسىنىڭ ورىنباسارى بولعان.
