2024 جىلعى 15 قاراشادا سوتقا تەرگەۋ ورگاندارىنىڭ كۇدىكتى پەريزات قايراتقا قاتىستى 2 ايعا دەيىنگى مەرزىمگە قاماۋدا ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىشى كەلىپ ءتۇستى.
استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ 2024 جىلعى 16 قاراشاداعى قاۋلىسىمەن كۇدىكتى پەريزات قايراتقا قاتىستى قاماۋدا ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىش قاناعاتتاندىرىلدى.
قر قپك-ءنىڭ 201-بابىنا سايكەس وزگە دەرەكتەر جاريالانۋعا جاتپايدى.
ايتا كەتەيىك, قازىر تانىمال بلوگەرگە ەكى ايىپ تاعىلىپ وتىر. كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1,5 ملرد تەڭگەدەن استام قاراجاتتى جىمقىرعان.
2023 جىلدىڭ قاراشا ايىندا پەريزات قايرات پالەستينا تۇرعىندارىنا گۋمانيتارلىق كومەك كورسەتۋ ءۇشىن قاراجات جيناۋدى ۇيىمداستىردى. بۇل ەپيزود بويىنشا پەريزات قايرات 200 ملن تەڭگەدەن اسا قاراجاتتى جىمقىردى دەگەن كۇدىككە ءىلىندى.
