دەرەكتەرگە سۇيەنسەك, ءتىپتى ءبىر مەزگىل جولاۋشى تاسىمالداۋ ءۇشىن دە الدىمەن تىركەلۋ قاجەت. سونداي-اق ءاربىر جۇرگىزۋشى ەڭبەك جانە دەمالىس رەجيمىن ساقتاۋعا جانە مەديتسينالىق تەكسەرۋدەن وتۋگە مىندەتتەلەدى.
«مەدتەكسەرىستەن ءوتۋ دەگەنگە مەن نەگىزى ءوزىم قارسىمىن. جولعا شىعاردىڭ الدىندا اركەز تەكسەرىلىپ وتىرۋ قيىن عوي. دەگەنمەن سەگىز ساعاتتان ارتىق جۇرمەۋدى قولدايمىن. اپات سول كەزدە ازايادى دەپ ويلايمىن», ء«بىزدى تىركەمەي مە, مىسالى وڭ ءرولدى. وسىنى الدىق بالا-شاعانى اسىراۋ ءۇشىن. ەندى قالاي سوندا بالا-شاعامىزدى اسىرايمىز. وڭ ءرولدى الىپ تاستاۋىنا قارسىمىن», دەپ پىكىر ءبىلدىردى جۇرگىزۋشىلەر.
جۇرگىزۋشىلەر كەيبىر تالاپتاردى قايتا قاراۋدى ۇسىنىپ وتىر. پىكىرلەرىنشە, ءرولى وڭ جاقتا ورنالاسقان كولىكتەردى تۇبەگەيلى ونلاين اگرەگاتورلاردان الىپ تاستاۋ دۇرىس ەمەس. دەگەنمەن بۇل تاكسيستتەرگە قويىلاتىن جاڭا تالاپ وزگەرمەيىن دەپ تۇر.
«كۇندەلىكتى رەيس الدىنداعى جانە رەيستەن كەيىنگى مەديتسينالىق تەكسەرۋدەن وتۋگە, اۆتوكولىكتى كۇندەلىكتى تەحنيكالىق بايقاۋدان وتكىزۋگە, سول جاقتان باسقاراتىن تەحنيكالىق جارامدى اۆتوكولىكتەردى پايدالانۋعا, جۇرگىزۋشىلەردىڭ ەڭبەك جانە دەمالىس رەجيمىن ساقتاۋعا مىندەتتى بولادى», دەدى اكىمشىلىك پوليتسيا كوميتەتىنىڭ توراعاسى قايسار سۇلتانباەۆ.
كوميتەت وكىلىنىڭ ايتۋىنشا, قازىر ينتەرنەت-اگرەگاتورلار قوسىمشالارىنىڭ جۇمىسىن پىسىقتاپ جاتىر. ويتكەنى, جۇرگىزۋشىنى تىركەپ, تالاپقا سايكەستىگىن ناقتىلايتىن وزدەرى. تاپسىرىستى دا سولار ۇلەستىرەدى. سوندىقتان تالاپتاردىڭ ورىندالعان, ورىندالماعانىنا كوز جەتكىزۋلەرى شارت.
