ەل مەن ەردىڭ ەرەسەن ەرلىگى

* سايت ءسوزى ەلىمىزدە ءساۋىردىڭ 26-سى كۇنى وتكەن پرەزيدەنت سايلاۋى شىن مانىندە بۇكىلحالىقتىق مەرەكە بولدى. داۋىس بەرۋگە كەلگەن ەلەكتورات وزدەرىن مەيرامدا جۇرگەندەي سەزىنىپ, جاپپاي كوتەرىڭكى كوڭىل كۇي ۇستادى. جۇرتتىڭ بۇل كۇندى اسىعا كۇتكەندەرى سونداي, بارلىق جەرلەردە دەرلىك تاڭەرتەڭ سايلاۋ ۋچاسكەلەرى اشىلماي تۇرىپ-اق ەسىكتەردىڭ الدارىندا ۇزىن-شۇباق كەزەك قالىپتاسىپ قالدى. بۇل كەزەكتىڭ قاراسى مەن قاينارى ءتۇس الەتى اۋىپ, كۇن ەكىندىگە قۇلاعانشا سەلدىرەي قويعان جوق. وسىلايشا باعزى ءبىر ۋاقىتتارداعى كورىنىس پەن سيپات كوز الدىمىزعا قايتا كەلە قالعانداي اسەر ەتتى. پرەزيدەنت سايلاۋىن ەلىمىزدىڭ بارلىق ەندىكتەرى مەن بويلىقتارىندا قىزۋ, قاۋىرت جانە بەلسەندى تۇردە وتكەنىن ءسات سايىن بەرىلىپ تۇرعان تەلەارنالارداعى حابارلار, ينتەرنەت-رەسۋرستارداعى اقپارلار مەن الەۋمەتتىك جەلىلەردەگى پىكىر الماسۋلار دۇركىن-دۇركىن بايقاتىپ تۇردى. سول ساعاتتاردا ءبىزدىڭ گازەتىمىزدىڭ ينتەرنەت نۇسقاسى دا توقتاۋسىز جۇمىس ىستەپ جاتتى. ال ءبىزدىڭ جەر-جەردەگى مەنشىكتى تىلشىلەرىمىز بەن ورتالىقتاعى قىزمەتكەرلەرىمىز ءۇستى-ۇستىنە جاريالاپ تۇرعان حابارلارعا وراي ءۇن قاتىپ, وي بىلدىرگەن وقىرمان قاۋىمدا دا تولاس بولا قويمادى. وسىنىڭ ءبارى بۇكىل ەلىمىزدە بۇل جولعى پرەزيدەنت سايلاۋىنا جۇرتىمىزدىڭ ايرىقشا كوڭىل ءبولىپ, وزگەشە ءمان بەرگەندەرىن انىق بايقاتتى. ەڭ باستىسى, بۇل سايلاۋ حالقىمىزدىڭ ءبىر تۋدىڭ, ءبىر يدەيانىڭ, ءبىر كوشباسشىسىنىڭ اياسىنا بەرىك توپتاسا تۇسكەنىن انىق كورسەتىپ بەردى. سايلاۋ, اينالىپ كەلگەندە, ەڭسەلى ەل مەن ەڭسەگەي ەردىڭ ەرەسەن ەرلىگىن, جەتىستىكتى جەڭىسىن, ءبىتىمدى بىرلىگىن تولايىم تانىتقان ناعىز نازارداعى ناۋقان بولدى. قازاق ەلى تاعى دا ءوزىنىڭ الداعى بەس جىلداعى ليدەرىن جازباي تانىپ, قاپىسىز تاڭدادى. بۇل تاڭداۋ بۇكىل حالىقتىڭ ءبىر لەپپەن, ءبىر دەممەن, ءبىر ىرعاقپەن سوققان جۇرەك لۇپىلىندەي بولىپ ءبىر نۇكتەدەن كورىندى. 97,75 پايىزدىق ۇلەس ءبىزدىڭ وسىنداي تۇجىرىم جاساۋىمىزعا تولىق نەگىز بەرەدى. مىنە, وسى جەڭىسكە ەلىمىزدىڭ بارشا تۇرعىندارى ءبىر كىسىدەي قۋاندى, ۇلكەن جەڭىس ءۇشىن اقتارىلا شاتتاندى. بۇعان ءبىزدىڭ سايتىمىزدا وسى كۇندەرى جارىق كورگەن حابارلارعا كەلىپ تۇسكەن كوپتەگەن پىكىرلەر تولىق كۋا بولا الادى. ال ءبىز بۇگىن سول كوممەنتتەر تاسقىنى مەن نوپىرىنەن ازداعان بولىكتى عانا ەكشەپ الىپ, وقىرمان نازارىنا ۇسىنىپ وتىرمىز. «استانادا بۇگىن تۋعان كۇنى بول­عان سايلاۋشىعا سىيلىقتار بەرىلدى» ابدۋللا ماحانوۆ ءيا, راسىندا حالىقتىڭ بەلسەن­دىلىگى جوعارى. ال مىنا ءۇردىس شىنىمەن ۇنايدى. شىرىن بولار ەلدىڭ بالالارىنداي بار­لىعىمىز بىرلەسە اتسالىسىپ, ەلدىڭ ىسىنە ازاماتتىق كوزقاراس تانىتىپ جا­تىرمىز. ىنتىماعىزدىڭ ارقاسىندا. ءۋالي كوپتەن كۇتكەن كەرەمەت ساتتە­رىمىزدى باستان وتكىزىپ جاتىرمىز. ەلور­دالىقتاردىڭ كوڭىل-كۇيلەرى كەرەمەت.   «باتىس قازاقستاندا داۋىس بەرۋ ۇيىمشىلدىقپەن وتۋدە» ايسانا بۇگىن مەن ءۇشىن اسا ماڭىزدى كۇن. العاش رەت سايلاۋعا قاتىسىپ, ەل الدىنداعى ازاماتتىق مىندە­تىمدى ورىندادىم. راس, ءسال قوبال­جۋدا بولدىم. بىراق تاڭداۋىمدى دۇرىس جاسادىم دەگەن ويدامىن. جىگەرلى ءبىزدىڭ جەردە تاڭەرتەڭ ۋچاسكەلەر جۇمىسىن باستاسىمەن وشىرەت بولىپ, سايلاۋشىلار كەزەكپەن داۋىسىن بەرىپ جاتىر, قاراپ تۇرىپ سۇيسىنەسىڭ. حالىق مەرەكەنى سەزىنىپ وتىر. تاربيە ءيا, ءبىزدىڭ ورال وڭىرىندە وسىنداي ۇيىمشىلدىق جاقسى ساقتالعان, ءبىزدىڭ وبلىس جۇرتى قانداي سايلاۋدا دا بەلسەندىلىگىن ەشقاشان جوعالتقان ەمەس.   «قاراعاندىدا سۋ باسقان اۋىل جۇرتىنىڭ 90 پايىزى سايلاۋعا كەلەدى» بەدەلحان اپات ايتىپ كەلمەيدى. جاراتقان­نىڭ جازۋىنا امال جوق. مەملەكەت, حالىق بار كومەگىن اياعان جوق. ءومىر الدا. سوندىقتان زارداپ شەك­كەندەر­دىڭ سەنىمى وشپەسىن دەپ تىلەي­مىن. توقسان پايىز سايلاۋعا قاتىسۋ سول سەنىمنەن تۋىپ وتىر. مارال مىنە, ناعىز پاتريوتتار, قانداي جاعداي بولماسىن, ەل ءۇشىن ماڭىزدى كەزەڭدە بەلسەندىلىك تانىتقاندارى قۋانتادى. اقجۇرەك سايلاۋ وسىنداي دەڭگەيدە بولادى دەپ ويلاماعان ەدىم, قانداي كەرەمەت, جىگەرلەنىپ كەتتىم.   «اقمولا وبلىسىندا جاسى جۇزدەن اسقان قاريا ءوزى كەلىپ داۋىس بەردى» دۋمان مەن قازاقستاندا 114-تەگى ادام­نىڭ بار ەكەنىن ءبىرىنشى رەت ەستىپ وتىرمىن. وتكەندە 117-گە كەلگەن جاپون كەمپىرى قايتىس بولىپ, ونى الەمدەگى ەڭ ۇلكەن ادام ەتىپ شىعاردى. سوسىن وزبەكستاندا تاعى ءبىر كەمپىر قايتىس بولىپ, ونىڭ جاسى بۇدان دا ۇلكەن بولىپ شىقتى. ال ءبىزدىڭ اجەمىز سولاردىڭ ءىزىن باسىپ كەلە جاتىر ەكەن.   «مەملەكەت باسشىسى داۋىس بەرۋ راسىمىنە قاتىستى» ومار ەندى ايتا بەرسەم بولاتىن شىعار, مەن وسى كىسىگە – قىمباتتى نۇرسۇلتان ءابىش ۇلىنا داۋىس بەردىم. مەن عانا ەمەس, ايەلىم مەن قىزىم, ۇلىم مەن كەلىنىم – بارلىعى ءبىر ۇيدەن بەس ادام داۋىس بەرىپ كەلىپ وتىرمىز.   «ەلىمىزدە سايلاۋشىلاردىڭ 41,69 پايىزى داۋىس بەردى» راحىمجان, الماتى نەمەرەلەرىم جانسايا مەن جازي­رانى سايلاۋعا ەرتىپ باردىم. كىمگە داۋىس بەرەمىز دەسەم, ەكەۋى دە... «اتا­عا» دەيدى. ءبىزدى الماتىداعى №158 مەكتەپ ادەتتەگىدەي مۋزىكامەن قار­سى الدى. ادام لەگى تاۋسىلار ەمەس. وسى جەردە تالاي تانىستارىمدى كەزدەستىردىم. بىراق مىناۋ كورسەتكىشتەگى 17 پايىزعا كوڭىلىم تولماي تۇر… جولاي قانشاما سايلاۋ ۋچاسكەلەرىنىڭ جانىنان ءوتتىم, حالىقتىڭ ءنوپىرى بارشىلىق. تەگىندە الماتى داۋىس بەرۋدە ەشكىمنەن كەم قالماس دەپ ويلايمىن. اقايشا ءبىزدىڭ بالا كەزىمىزدى اتا-انامىز سايلاۋ ۋچاسكەسى اشىلماس بۇرىن بارىپ, ونىڭ ەسىگىنىڭ الدىندا تۇراتىن. داۋىس بەرۋدى وزدەرىنە زور مىندەت سانايتىن. ءبىز دە سول جاسقا جەتتىك, سوسىن جولداسىمىزبەن ەكەۋمىز ءبىرىنشى بولماعانمەن, العاشقىلاردىڭ ساپىندا داۋىس بەرىپ قايتتىق. ەركەتاي, ۇزىناعاش الماتى وبلىسى قاي سايلاۋدا دا ۇنەمى الدا كەلەدى. ءبارى دە ۇيىم­داستىرۋشىلارعا بايلانىستى دەگەنگە سەنبەيمىن. ءبارى ادامداردىڭ وزدەرىنىڭ سانا-قابىلەتىنەن شىعادى. مەشىتكە بىرگە باراتىن تۇرىك, ۇي­عىر, كۇرد كورشىلەرىممەن سايلاۋ ۋچاس­كەسىندە كەزدەسىپ قالدىم. اڭگىمە-دۇكەن قۇرىپ, قاۋقىلداسىپ قايتتىق. ءبارىنىڭ كوڭىل-كۇيلەرى كوتەرىڭكى. مايرا كۋالا-لۋمپۋردا تۋريزم مەنەد­جە­رىنە وقيتىن ۇلىم ديماش قازاق­ستان ەلشىلىگى ۇيىمداستىرعان سايلاۋ ۋچاسكەسىنە بارىپ, پرەزيدەنت سايلاۋىنا داۋىس بەرىپتى. جاڭا عانا skype-پەن سويلەستىم. مىنە, عىلىمنىڭ دامىعانى! «شىمكەنتتە سايلاۋشىلار بەلسەندى تۇردە داۋىس بەرۋدە» ايعانىم بولاتقىزى شىمكەنتتىڭ حالقى ەرتەشىل ەكەن. مەن وسىندا ىسساپارمەن كەلگەنمىن. داۋىس بەرەيىن دەپ كەلسەم, ۇزىن-سونار كەزەك. تۇسكە تامان زورعا كىرىپ, داۋىس بەرىپ شىقتىم.   «ج.سۇلەەۆ: كادەگە اسقان ينتەرنەت قۋاتىندا شەك بولمادى» سەرىكحان راسىندا ينتەرنەت جەلىسى جاقسى جۇمىس جاساپ تۇر. بۇل بايقاۋشىلار مەن اقپارات قۇرالدارىنىڭ وكىلدە­رىنە وتە قولايلى. داۋىس بەرۋدى توق­تات­پايىق! عاينيكامال ورمانبەكوۆا مەن ۇلتىم ءۇشىن, ۇرپاعىمنىڭ بولاشاعى ءۇشىن دۇرىس تاڭداۋ جاسادىم. جادىرا مالىك ءبىز الدىمەن كانديداتتىڭ پرەزيدەنت بولۋعا لايىقتى قارىم-قابى­لەتىنە قاراپ بارىپ, داۋىس بەرۋىمىز كەرەك. سوندا عانا ەگەمەن ەلدىگىمىزدى بەرىك ساقتاپ قالامىز. ارۋجان اسىلبەك مەن بيىل العاش رەت پرەزيدەنت سايلاۋىنا قاتىسىپ, داۋىس بەردىم. وسىنداي قازاقستاننىڭ اۋاسىن جۇتىپ, جەرىن باسىپ جۇرگەنىم ءۇشىن ەرەكشە باقىتتىمىن. اللانىڭ نۇرى جاۋسىن بارشاڭىزعا! ايان اۋىلداعى اتا-اپالارىمىز ساي­لاۋعا ءداستۇرلى كيمەشەكتەرىن كيىپ, وتە ادەمى بولىپ بارىپ, داۋىس بەردى. ساكەن سايلاۋعا ەلباسىمىزدىڭ ءوزى دە كەلىپ, داۋىس بەرىپ جاتقانىن كورىپ, ءبىز دە قالىس قالماي داۋىس بەرەيىك دەپ, سايلاۋعا باردىق. گۇلنۇر بۇقارالىق اقپارات قۇرالدارىنان بارلىق مينيسترلەرىمىز بەن دەپۋتات­تا­رىمىزدىڭ جۇرت قاتارلى كەزەككە تۇرىپ, داۋىس بەرگەندەرىن كورىپ قۋانىپ جاتىرمىز.   «وسكەمەندىكتەر سايلاۋدا داۋىس بەرىپ, ۇتىس كۋپوندارىن وينادى» راۋزا وسكەمەندىكتەر قاتىرعان ەكەن! سايلاۋدىڭ قورىتىندىسىندا دا وسىلاي الدا بولىڭدار, جەرلەستەر!   «ماڭعىستاۋدا سايلاۋشىلار ەرەكشە بەلسەندىلىك تانىتۋدا» ارىس قاشاننان وزىندىك ءۇنى بار, وزىندىك ويى بار, ءورشىل دە ورەلى ماڭعىستاۋ جۇر­تىنىڭ ءاربىر داۋىسى باعالى. مەن ءۇستىرت­تەگى جۇرتتىڭ پرەزيدەنت تاڭداۋدا ەشبىر قاتەلەسپەيتىنىنە سەنەمىن.   «كارين شترەنتس: بۇل سايلاۋ جاڭا جەتىستىكتەرگە ەكپىن بەرەدى» مارالتاي شىنتەمىر ۇلى كوپ ۇلتتى ەل ەكەنىمىز وسى. وزگە ۇلت­تىڭ وكىلدەرى قازاقستاندى اتامە­كەنى سانايدى. ءبىزدىڭ بولاشاعىمىز جارقىن بولماق. سانجار باقداۋلەت ءتىلىمىز بەن ءدىنىمىز جويىلماس ءۇشىن ەل تىزگىنىن لايىقتى جانعا ۇستا­تايىق. داۋىس بەرۋگە كەل, اعايىن! گۇلسىم ايبار بالالارىمنىڭ بولاشاعىن ويلاپ, ەلىمنىڭ كەلەشەگىن ويلاپ, تاڭ­داۋىم­دى پرەزيدەنت بولا الاتىن كانديداتقا جاسادىم.   «كامشات دونەنباەۆا: باقىتتى بولاشاق, تىنىشتىق ءۇشىن داۋىس بەرەمىن» يسا كامشات اپاي, سىزدەر ەلدىڭ ۇستى­نىسىزدار عوي. حالىق سىزدەردىڭ سوڭدارىڭىزدان ەرەدى, سوزدەرىڭىزدى تىڭدايدى. ال سىزدەر ولاردى دۇرىس جولعا باستاي الاسىزدار. قازىر كونەنىڭ كوزى سياقتى بولىپ قالعان سىزدەر امان بولىڭىزدار. دەنىڭىز ساۋ, عۇمىرىڭىز ۇزاق بولسىن, اپا! سىزدەر قولدايتىن پرەزيدەنتىمىز دە امان بولعاي. زامان بارلىق جەردە سايلاۋ وتە قىزۋ ءوتىپ جاتقانعا ۇقسايدى. مۇنداي بەل­سەندىلىكتى بۇرىن بايقاماپپىن. وسى­نىڭ ءبارى ەلدىڭ سانا-سەزىمى تۇزەل­گەنىن كورسەتەدى. سول سانالى توپ­تى كەشەگى كەڭەس زامانىنان بەرى حالىق­تىڭ الدىندا جۇرگەن كامشات اپاي سياقتى ارداگەرلەرىمىز باستاسا استە جا­مان بولمايمىز. اپايعا مەن دە زور دەنساۋلىق تىلەيمىن.   «ەلىمىزدەگى سايلاۋشىلاردىڭ 89,69 پايىزى داۋىس بەردى» رامازان ەل تاڭداۋىن جاسادى! ءبىز كۇتكەن, ەل كۇتكەن پرەزيدەنت دايىن. ونىڭ كىم ەكەنىنە دە ەشبىر كۇمان بولماسا كەرەك. لايىم وسى بىرلىگىمىز بەن تىرلىگىمىز جاراسا بەرسىن, جالعاسا بەرسىن. مەرەكە كومبەنىڭ شەتى كورىنىپ قالدى. ارتىنشا كىمنىڭ وزىپ كەلگەنىن دە بىلەمىز. دەگەنمەن, ونىڭ كىم ەكەنىن دە ءبارىمىز ءبىلىپ وتىرمىز عوي دەپ ويلايمىن. ءوز باسىم قاتتى قۋانىشتىمىن.   «تاۋەلسىز بايقاۋشىلار ماڭعىستاۋداعى سايلاۋدى جوعارى باعالادى» سامال, اقتوبە. «ەگەمەننىڭ» ۇجىمى ۇيىمشىل­دىقتارىن كورسەتتى. ەلباسىن سايلاۋ ەلدىگىمىزدى تاعى ءبىر ايقىندادى. سونىڭ جەر-جەردەگى كورىنىسى گازەت سايتىندا بەرىلىپ تۇرۋى ءسۇي­سىنت­تى. مۇنداي شارۋادا اسقان ىج­دا­عات­تىلىق تانىتقان رەداكتسيا ۇجىمىنىڭ قيمىلىنا ءتانتى بولدىق.   «نازارباەۆ پرەزيدەنت سايلاۋىندا ايقىن باسىمدىقپەن جەڭىسكە جەتتى» قۇدىرەت ورتاق جەڭىس قۇتتى بولسىن, اعايىن! بۇل سايىستا ەلباسىنىڭ جە­ڭىس­­كە جەتەتىنىنە ەشكىم دە كۇمان­دان­عان جوق. بىراق 97,5 پايىزدىق داۋىس دەگەن شىنىندا تاماشا كور­سەتكىش! بۇل – پرەزيدەنتكە لايىقتى باعا! نۇرلان تورە مەن وسىنداي بولاتىنىنا ەش ءشۇبا كەلتىرگەن جوقپىن جانە ويلا­عانىم ورىندالعانىنا قۋانىش­تىمىن! دانيل, اقتوبە ەلباسىنا تاڭداۋ جاسادىم. بۇل جالپى حالىقتىڭ ويىنداعى سەنىم ەكەنى ءسوزسىز. ءبىز الداعى بولاشا­عى­مىزدى ەلباسى نۇرسۇلتان ءابىش­ ۇلى­مەن بىرگە كورەمىز. بۇل – بارشا قازاقستاندىقتاردىڭ وي-ارمانى, تىلەگى, قالاۋى! ءمۇتاللاپ, اقىن, پەتروپاۆل ەلباسىنىڭ جەڭىسى – ءبارىمىزدىڭ جەڭىسىمىز. ەندى ەل بولاشاعى ءۇشىن ەش الاڭداماۋعا بولادى. پرە­زيدەن­تىمىزدىڭ ماڭايىنا اۋىزبىرلىك­پەن توپتاسساق, الىنبايتىن اسۋ جوق. ەلباسىنىڭ اماندىعى الدىمەن قازاققا كەرەك.   «جەڭىمپازدار فورۋمى جەتىسۋ جەرىندە دە جالعاسىن تاپتى» ءسابيت, اقتوبە وبلىسى, حرومتاۋ قالاسى حالىقارالىق بايقاۋشىلاردىڭ پرەزيدەنت سايلاۋىن ەڭ دەمو­كرا­تيالىق سايلاۋ بولدى دەپ باعا­لاۋى كوڭىلىمدى مارقايتتى. ەگەمەن ەلىمىز وركەنيەتتى ەلدەر قاتارىنان وسىلاي ويىپ تۇرىپ ورىن الاتىنىنا سەنىمدىمىن. اتقارعان جۇمىس­تارىمىز بەرەكەلى, ءومىرىمىز مەرەكەلى بولسىن, پرەزيدەنتىمىزدىڭ ىرگەلى ىستەرگە بەل بۋىپ وتىرعانى حالقىنىڭ قامى عوي, زور دەنساۋلىق, جەمىستى ەڭبەك تىلەيىك, دوستار!   «اقتوبەدە جەڭىمپازدار فورۋمى جوعارى دەڭگەيدە ءوتتى» سامعات بايدۋللين, جۇمىسشى, اقتوبە ەلباسى سايلاۋدا جەكە دارا وزىپ كەلدى. ەلدى باسقاراتىن باسشىعا تىزگىن ۇس­تاتقانىمىز دۇرىس بولدى. نازارباەۆ الداعى بەس جىلدا ءبىرتالاي شارۋا تىندىرادى دەپ ويلايمىن. ءوزى دە ەكى ەسە كۇشپەن جۇمىس ىستەيتىنىن ءبىلدىردى عوي. ال ەلباسىنىڭ قولىنان ول كەلەدى. قۇتتى بولسىن, دەنساۋلىق بەرسىن.   «جەڭىمپازدار فورۋمى پاۆلوداردا جالعاستى» جانتاس مەن پاۆلودار قالاسىندا جوو ستۋدەنتىمىن. مۇز سارايىندا بولدىم. فورۋمعا قاتىستىم. پاۆلودار ءوندىرىس ولكەسى دەپ ايتا الامىن. فو­رۋم­عا مۇنايشىلار, ارداگەرلەر, تەمىر­جولشىلار ت.ب. ءوندىرىس ورىن­دارى­نىڭ جۇمىسشىلارى قاتىستى, كوڭىل كۇيلەرى تاماشا, فورۋمعا قاتى­سۋشىلار الار اسۋلارىمىز, جەتەر بەلەس­تەرىمىز الدا دەپ ويلارىن جەتكىزدى.   «نازارباەۆ پرەزيدەنت سايلاۋىندا رەسمي تۇردە جەڭىمپاز دەپ تانىلدى» ورال ەڭ باستىسى, حالىق ءبىر اۋىزدان ءوز تاڭداۋىن جاسادى. ەندى بولاشاققا الاڭداماۋعا نەگىز بار. بۇل – تالاي جىلدار بويى جاسالعان, ءالى دە جاسالا تۇسەتىن ەڭبەكتىڭ جەڭىسى.   «حالىق ءوز تاڭداۋىن جاسادى» ىدىرىس بۇل – راسىندا ەلدىڭ ءوز تاڭداۋى. بۇل – ەلدىڭ دامۋىنا دەگەن حالىقتىڭ سەنىمى, ەلباسىنا سەنىمى. جاراتقان جار بولىپ, ەلدىكتىڭ ەرلىك ۇلگىسىن كور­سەتەيىك, اعايىن!   «پرەزيدەنت نۇرسۇلتان نازارباەۆ قازاقستان حالقىنا انت بەردى» عابيدەن ەلباسىنىڭ ۇلىقتاۋ ءراسىمىن تەلەديداردان باستان-اياق كورىپ شىقتىم. بۇل كىسى ادەتتەگىدەي الدا تۇرعان مىندەتتەردى ادەمى جىكتەپ ايتىپ بەردى. وسىدان دا ەلىمىزدىڭ كەلەشەگىنە دەگەن سەنىمىمىز ارتا ءتۇستى. ءوز باسىم نۇرسۇلتان نازارباەۆ شتۋرۆالىندە تۇرعان ەلدىڭ بولاشاعى باياندى بولاتىنىنا بەك سەنەمىن. اسەل مەملەكەت باسشىسىن قايتا سايلاپ العانىمىز ءبارىمىز ءۇشىن دە قۇتتى بولسىن. ەلباسىنىڭ وسى ورىندا وتىرعانى ەڭ الدىمەن بىزگە, حا­لىققا كەرەك. سونى جاقسى ءتۇسىن­گەن وتانداستارىما ريزامىن. جاسى­راتىنى جوق, ءدال قازىر ءبىز ەلىمىزدىڭ ەرتەڭىن نازارباەۆسىز كوز الدىمىزعا ەلەستەتە المايمىز. بۇل كىسى – ءبىزدىڭ ەلىمىزدىڭ تىنىشتىعىنا, تاتۋلىعى مەن بىرلىگىنە, وسى ارقى­لى قالىپتاسىپ, جاسالاتىن ەكونو­ميكالىق ورلەۋىنە كەپىل. داريا يناۋگۋراتسيا وتە جاقسى ءوتتى. ۇلىقتاۋ راسىمىندە پرەزيدەنتىمىزدى جاڭا قىرىنان تانىعانداي بولدىق. ونىڭ الداعى الۋان اسۋدان تۇراتىن ابىرويلى ىستەرىمىزگە تىڭ كۇشپەن, سونى سەرپىنمەن كىرىسەتىنى كورىنىپ تۇر. ارىستانبەك جامبىل ۇلى ۇلت كوشباسشىسىنىڭ ۇلىقتاۋ ءراسىمىن تەلەارنادان تاماشالاپ, ۇلكەن اسەر الدىم. ەندى سول اسەرىمدى سىزدەرمەن بولىسسەم. وسىدان تۋرا 24 جىل بۇرىن نۇرسۇلتان نازارباەۆ تاۋەلسىز قازاقستاننىڭ تۇڭعىش پرەزيدەنتى ەتىپ سايلاعان تۇستا حالىقتىڭ كوڭىلىندە مەملەكەتىمىزدىڭ تىزگىنىن تۇڭعىش رەت ۇستاپ ەدى. سول كەزدە ەلباسىنىڭ ءاربىر قابىلداعان باعدارلاماسىنا قولداۋ ءبىلدىرىپ, قازاقستاننىڭ جارقىن بولاشاعىنا ۇمىتپەن قارادىق. ال قازىر سول سەنىم اقتالدى, الەۋمەتتىڭ ءال-احۋالى جاقساردى. باستىسى, ەلىمىز قارىشتاپ دامىپ, ەكونوميكالىق دەڭگەيىمىز ىلگەرى باستى. بۇل – نۇرسۇلتان ءابىش ۇلىنىڭ سىندارلى ساياساتى مەن حالىقتىڭ تۇتاستىعىنىڭ ارقاسى. 24 جىلدا قازاقستاندا ۇلكەن وزگە­رىستەر, وڭ باعىتتار مەن يگى ىستەر ات­قا­رىلدى. وسى جەتىستىكتەردىڭ كوشىن­د­ە ەلباسىمىز تۇردى. ەندى مىنە, تاعى ءبىر مارتە پرەزيدەنت سايلاۋىن وتكىزىپ, ۇلت كوشباسشىمىزدىڭ ۇلىقتاۋ ءراسى­مىندە انتىنا كۋا بولدىق. پرەزيدەنتىمىزدىڭ الداعى ەڭبە­گىنە ساتتىلىك تىلەپ, سەنىم ارتتىق. ەڭ باستىسى, ەلباسى مەن ەلىمىز امان بولسىن! قالامقاس شاشۋبايقىزى مەنىڭشە, ۇلىقتاۋ دەگەن ءسوز ۇل­تىمىزدىڭ ۇلى تۇلعاسىن قۇرمەتتەۋ, ونىڭ جاساعان جاقسىلىعىن پاش ەتۋ دەگەنگە سايادى. وسى رەتتە نۇرسۇلتان نازارباەۆتىڭ قازاقستاندىقتاردىڭ الدىندا ۇلىقتاۋ ءراسىمىن وتكىزىپ, انت بەرۋىن: «مەنىڭ جانىم دا, قانىم دا قازاق, ەڭبەگىم ادال, جۇمىسىم جەمىستى بولادى. حالقىما قورعان, ەلدىڭ تىنىشتىعىنا كەپىل بولامىن جانە سىزدەردىڭ قامقورلىقتارىڭىزدى باعالاي بىلەمىن», – دەپ ءتۇسىندىم. دەمەك, پرەزيدەنتىمىزدىڭ سالماقتى ءسو­زى مەن ساليقالى ساياساتى ءبىزدىڭ جۇرە­گىمىزگە نۇر ۇيالاتىپ, بويىمىزعا ءجى­گەر بەرەتىنى انىق. دانا حالقىمىز «اكىم بول, حال­قىڭا جاقىن بول!» دەگەن. ەلباسىمىز ءار كەز ەگەمەندىكتى, ەلدىكتى, ەرلىكتى باعا­لاپ, حالىقپەن ساناسا وتىرىپ, يگى­لىك­تى ءىستىڭ ۇيىتقىسى بولىپ تۇرادى. ءبىز قازاقستاننىڭ كەمەل كەلەشەگى مەن جارقىن بولاشاعىنا سەنەمىز. ۇرپاعىمىز يماندى, سانالى, ءبىلىمدى بولىپ ءوسىپ كەلەدى. بۇل – ەلباسى­مىز­دىڭ جاستارعا بارلىق جاعداي جاساپ, ۇنەمى قولداۋ ءبىلدىرىپ وتىرۋىنىڭ جەمىسى. مەن وسى ەلدىڭ تۇر­عىنى رەتىندە پرەزيدەنتىمىزدىڭ جاڭا قىزمەتىنە ساتتىلىك تىلەپ, قا­زا­قستاننىڭ ءوسىپ-ءور­كەندەۋىنە سۇبەلى ۇلەسىمدى قوسامىن. كۇش-جىگە­رىمىزدى اياماي جۇمسايمىن دەگىم كەلەدى. نازارباەۆقا حالىق سەنىم ارتتى, ەل تىزگىنىن ۇستاتتى. ەندى ءبىز ەلبا­سىمىزعا سۇيەنەر تىرەك, دەم بەرەر جۇرەك بولايىق. احمەت وماروۆ ەلىن سۇيگەن, ەلى سۇيگەن ەلباسى. بۇگىندە تۇراقتى ءسوز تىركەسىنە اينالىپ كەتكەن وسى جولداردى تاعى ءبىر قايتالاپ ايتۋعا تۋرا كەلىپ تۇر.­ وتكەن سايلاۋ بۇل تىركەستىڭ شىن­دىققا جاناسىمدى ەكەنىن تاعى دا تانىتىپ بەردى. ءبىز ەلباسىنىڭ ەلىن سۇيەتىنىنە دە, ەلىنىڭ ەلباسىنى سۇيەتىنىنە دە ەش كۇماندانعان جوق ەدىك. سول ويىمىزدىڭ ورالىمدى ەكەنىنە تاعى دا كوز جەتتى. ءبىز الداعى قانداي دا ءبىر جەتىستىكتەرگە ەلىمىزدىڭ وسى كەزەڭدەگى باعىنا تۋعان ەڭسەلى ەرىمىز – نۇرسۇلتان ءابىش ۇلى نازارباەۆپەن بىرگە جەتەتىنىنە ەشبىر كۇماندانبايمىز. ەندەشە, وسى جەڭى­سىمىز باياندى بولسىن! ءجۇنىس قاجى قازاقستاندا تاعى دا اق تۇيەنىڭ قارنى جارىلدى. قازاق ەلىنىڭ جاسى مەن كارىسى, ەرى مەن ايەل جۇرتى, بارلىق ۇلتتارى مەن ۇلىستارى پرەزيدەنتتىڭ قايتادان سايلانىپ, حالىقتىڭ جاڭادان مانداتىن الىپ جاتقان كۇنىن بۇكىلحالىقتىق ۇلكەن مەرەكە سانايدى. ءبىز ەلباسىنا تاعى دا سەنىم ارتىپ, تاياۋداعى بەس جىلىمىزدى سول كىسىنىڭ قولىنا تاپسىردىق. جانە مۇنى وتە دۇرىس جاساعانىمىزدى بۇكىل جان-جۇرە­گىمىزبەن سەزىنىپ وتىرمىز. ورالحان مەن قازاقستاندا, سونىڭ ىشىندە وسى كەزەڭدەرى تۋىپ, ءومىر ءسۇرىپ جاتقانىما قاتتى قۋانامىن. مەن مۇنى نۇرسۇلتان نازارباەۆ ەل بيلەگەن داۋىرمەن بايلانىستىرا ايتىپ وتىرمىن. ەندى ەلباسىنا سارقىلماس قۋات-قاجىر, مۇقالماس دەنساۋلىق جانە سالاماتتى ۇزاق عۇمىر تىلەيمىن.   «باراك وباما نۇرسۇلتان نازارباەۆتى سايلاۋداعى جەڭىسىمەن قۇتتىقتادى» بولات اقش سەكىلدى الەمدەگى ەڭ ءىرى دەر­جاۆا باسشىسىنىڭ ءبىزدىڭ ەلباس­ىمىزدى وسىنداي ۇلان-اسىر جەڭى­سىمەن قۇتتىقتاپ جاتۋىنىڭ ءوزى كوپ نارسەنى بىلدىرەدى. بۇل – امەريكا پرەزيدەنتىنىڭ ءبىزدىڭ لي­دەرىمىزبەن ساناسۋىنىڭ بەلگىسى. وسىنىڭ ءوزى ءبىزدىڭ ەلىمىزدىڭ الەم قاۋىمداستىعىندا ايتارلىقتاي ورنى بار ەكەنىن بىلدىرەدى. ال مۇنداي بەدەلگە قازاقستان ەلباسى نۇرسۇلتان نازارباەۆتىڭ جەكە ءوزىنىڭ قارىمى مەن قابىلەتى ارقاسىندا جەتىپ وتىر. ءبىز وسىنى باعالاي ءبىلۋىمىز كەرەك. يمان مەن وسى حاباردى كۇتتىم. جانە اقش پرەزيدەنتىنىڭ ءبىزدىڭ باسشىمىزدى سايلاۋداعى وراسان زور جەڭىسىمەن قۇتتىقتايتىنىنا ەش كۇمان كەلتىرگەن دە جوقپىن. سەبەبى, نۇرسۇلتان نازار­باەۆ پوست­كەڭەستىك ەلدەر لي­دەرلەرى ارا­سىنداعى ەڭ رەيتينگىسى جوعارى تۇرعان پرەزيدەنتتەردىڭ ءبىرى بولىپ تابىلادى. ونىمەن جەر ءجۇزىنىڭ قاي ەلىنىڭ دە باسشىسى ساناسىپ تۇرادى. تەمىرلان الەمدىك ساياسي ارەنادا ەلبا­سىنىڭ ابىرويى ارتىپ كەلەدى. ونىڭ جۇرگىزىپ وتىرعان ساياساتىنا حالىق­ارالىق بەدەلدى ساياسات­كەرلەردىڭ ءبىرازى قىزىعۋشىلىق تانىتادى. ەلىمىزدەگى تۇراقتىلىق پەن كەلىسىمنىڭ ارقاسىندا كوپتەگەن دامۋشى ەلدەر بىزبەن ارىپتەستىك قۇرۋعا مۇددەلى بولا ءتۇستى. جاھانگەر ن.نازارباەۆ بۇكىل الەمگە قازاق­ستاندى قاشاندا حالىقارالىق قاۋىپسىزدىكتىڭ ساقتالۋىنا اتسالىساتىن ەل رەتىندە, بەيبىتشىلىك پەن كەلىسىمنىڭ جارشىسى رەتىندە تانىتا ءبىلدى. جاھاندىق يادرولىق قارۋسىزدانۋ پروتسەسىنە قوسقان ۇلەسىمىز ءۇشىن ءبىز بۇل سالادا دا كوش­باسشى اتاندىق. ال ۋكرايناداعى جاعدايدى تۇراقتاندىرۋ بويىنشا ءجۇرىپ جاتقان پروتسەسكە قوسىپ جاتقان ۇلەسى ءۇشىن پەتر پورو­شەنكونىڭ ءوزى ەلباسىنا العىس ءبىلدىردى. وسى جەتىستىكتەرمەن-اق قازاقستان كوپتە­گەن ەلدەرگە ۇلگى بولا الاتىنى انىق. راۋشان ەلباسىنىڭ جۇرگىزىپ وتىرعان كوپۆەكتورلى ساياساتىنىڭ ارقاسىندا ءبىز بارلىق ەلدەرمەن ءتيىمدى ءارىپ­تەستىك قۇرا الامىز. قازاقستان دا­مۋىنىڭ نەگىزىنە اينالعان كەلىسىم مەن تۇراقتىلىقتىڭ ارقاسىندا كوپتەگەن شەتەلدىك ينۆەستورلاردىڭ بۇيرەگى بىزگە قاراي بۇرىپ تۇراتىنى دا جاسىرىن ەمەس. ءدۇريا شىنى كەرەك, اقش سىندى الىپ ەلدىڭ ءبىرىنشى باسشىسى ەلباسىن قۇتتىقتاعانى ءۇشىن كادىمگىدەي مار­قايىپ قالدىم. مۇنىڭ ءوزى باراك وبامانىڭ بۇل كىسىگە دەگەن قۇرمەتى مەن قوشەمەتىنە ايعاق بولادى.   پىكىرلەردى رەتتەستىرگەن سەرىك ءپىرنازار, «ەگەمەن قازاقستان».