بۇل اقپاراتتى قازاقستان قۇرلىق اسكەرلەرىنىڭ ءباسپاسوز قىزمەتى راستادى. قايعىلى وقيعا بۇگىن, 14 قاراشادا بولعان.
«ديۆەرسياعا قارسى قاۋىپسىزدىك بويىنشا جوسپاردان تىس ساباق وتكىزۋ كەزىندە قاۋىپسىزدىك شارالارىن بۇزۋ سالدارىنان جاركەنت گارنيزونى اسكەري بولىمدەرىنىڭ ءبىرىنىڭ وفيتسەرى العان جاراقاتىنان قايتىس بولدى. وسى فاكتى بويىنشا قىلمىستىق ءىس قوزعالدى, تەرگەۋ مۇددەسى ءۇشىن وزگە اقپارات جاريا ەتىلمەيدى», دەلىنگەن حابارلامادا.
قۇرلىق اسكەرلەرىنىڭ قولباسشىلىعى مارقۇمنىڭ تۋىستارى مەن جاقىندارىنا كوڭىل ايتتى. وفيتسەردىڭ وتباسىنا بارلىق قاجەتتى كومەك كورسەتىلەدى.
