اقتوبەدە وبلىستىق سوتى ەلەكتروندى سەرۆيستىڭ قىزمەتىن ءتۇسىندىردى

اقتوبە. 30 قاڭتار. اقتوبە وبلىستىق سوتى «سوت كابينەتى» ەلەكتروندى اقپارات سەرۆيسىنىڭ جۇمىسىنا تۇسىنىك بەرۋگە ارنالعان كوشپەلى جينالىس وتكىزدى. بۇل تۋرالى egemen.kz ءتىلشىسى حابارلادى. جينالىسقا «حالىققا قىزمەت كورسەتۋ ورتالىعى» اقتوبە قالالىق فيليالىنىڭ ورىنباسارلارى ە.كاراستەكوۆ, س.نۋگمانوۆا, اقتوبە وبلىستىق سوتى كەڭسە باسشىسىنىڭ ورىنباسارى ا.مۋسينا, بارلىق قالالىق جانە مامانداندىرىلعان سوتتاردىڭ كەڭسە مەڭگەرۋشىلەرى, تالىمگەرلەر مەن ينسپەكتورلار قاتىستى. سونىمەن قاتار, حرومتاۋ اۋداندىق حقكو ماماندارىمەن جانە مارتوك اۋداندىق سوتىنىڭ كەڭسە مەڭگەرۋشىسى د.بەكمۋحامبەتوۆامەن, مارتوك اۋداندىق حقكو ماماندارىمەن «سوت كابينەتى»  اقپاراتتىق سەرۆيسى ارقىلى ەلەكتروندىق قۇجاتتاردى جىبەرۋ جونىندە كوشپەلى ءتۇسىندىرۋ جۇمىستارى ۇيىمداستىرىلدى. ەلەكتروندىق اقپاراتتىق جۇيە «سوت كابينەتىنىڭ» تيىمدىلىگى بويىنشا تۇسىنىك جۇمىستارىن جۇرگىزۋ مۇعالجار, قارعالى جانە ىرعىز اۋادنادارىندا دا جالعاسىن تاپتى. بۇگىنگى كۇنگە دەيىن اتالمىش سەرۆيستىڭ قولدانۋ اياسىن كەڭەيتۋ ماقساتىندا ەكىجاقتى قول قويىلعان ءوزارا ىقپالداستىق جونىندەگى حاتتامانىڭ نەگىزىندە اقتوبە وبلىسىنداعى حالىققا قىزمەت كورسەتۋ ورتالىعى فيليالدارى ارقىلى 146 تالاپ ارىز جولدانعان. «سوت كابينەتى» سەرۆيسى ءوتىنىش بەرۋگە, شاعىم جاساۋعا جانە قولداۋ حاتتى ەلەكتروندى تۇردە دايىنداۋعا ارنالعان. سونداي-اق ول مەملەكەتتىك باجدى ونلاين-تولەم ارقىلى شىعارۋعا مۇمكىندىك جاسايدى. قولدانۋشى وزىنە كەز كەلگەن ىڭعايلى ۋاقىتتا سوت قۇجاتتارىن قاراۋعا, ءىس بويىنشا تاريحىن نەمەسە سوت اكتىلەرىن شىعارىپ الۋىنا بولادى. جاڭا ەلەكتروندىق قىزمەت كورسەتۋلەر تاراپتاردىڭ, سونداي-اق مەملەكەتتىڭ قارجىسىن جانە ۋاقىتىن ۇنەمدەۋگە باعىتتالعان. ساتىبالدى ءساۋىرباي. دەرەك: egemen.kz. سۋرەت: akt.sud.kz.