وسى جىلى قازان ايىنىڭ 1-2 كۇندەرى پەتروپاۆل قالاسىنداعى ءسابيت مۇقانوۆ اتىنداعى وبلىستىق امبەباپ كىتاپحاناسىنىڭ ءماجىلىس زالىندا مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى تەولوگتارى قاتىستى.
جيىندا شەشەندىك ونەر جانە كوممۋنيكاتسيالار بويىنشا جاتتىقتىرۋشى جانە ساراپشى تولكىن امانبەك «وراتورسكوە ماستەرستۆو: كاك گوۆوريت ۋۆەرەننو ي ۋبەديتەلنو» تاقىرىبىندا سويلەۋ تەحنيكاسىنىڭ مەڭگەرۋدىڭ ءتيىمدى جولدارىن اتاپ ءوتىپ, دۇرىس ديالوگ قۇرۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرمەن ءبولىستى.
سونىمەن قاتار پسيحولوگ شاكيموۆا لولا سەرگەەۆنا «پسيحولوگيا دەسترۋكتيۆنىح ليچنوستەي, ۋيازۆيمىح ك ۆەربوۆكە سو ستورونى ليدەروۆ درت» تاقىرىبىمەن قاتىسۋشىلارعا جاستار اراسىنداعى تاۋەكەل توپتارىن انىقتاۋ ءۇشىن پروفايلينگ تەحنيكاسىن, ياعني, قىلمىس جاساۋعا دايىن تۇرعان تۇلعانىڭ سىرتقى كەلبەتىنە, ميميكاسىنا, ءجۇرىس-تۇرىسىنا قاراپ قالاي انىقتاۋعا بولاتىنىن ءتۇسىندىردى.
اتالعان ءىس-شارالار بارىسىندا قاتىسۋشىلاردىڭ قويعان سۇراقتارىنا دارىسكەرلەر تاراپىنان تۇششىمدى جاۋاپتار بەرىلدى.
