بيىل قىركۇيەك ايىنىڭ 23-24 كۇندەرى پاۆلودار قالاسىنداعى «شاڭىراق» كونتسەرت-زالىنىڭ ءماجىلىس زالىندا جانە ەكىباستۇز قالاسىنداعى ەستاي اتىنداعى بالالار مۋزىكا مەكتەبىنىڭ ءماجىلىس زالىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى, تەولوگتارى قاتىستى.
جيىندا يسلامتانۋشى قوجاكەلديەۆ باۋىرجان ۋبالحان ۇلى ء«مازhاب ۇستانۋ» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى. سونداي-اق, «ەكسترەميزممەن كۇرەستىڭ سيپاتى» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
سونىمەن قاتار سەيتقالي ميرزادا شاحمان ۇلى «وراتورسكوە ماستەرستۆو: يسكۋسستۆو پۋبليچنىح ۆىستۋپلەني» تاقىرىبىندا سويلەۋ تەحنيكاسىن مەڭگەرۋدىڭ ءتيىمدى جولدارىن اتاپ ءوتىپ, دۇرىس تىنىس الۋدى, ءۇننىڭ قۇلاققا جاعىمدى, ءسوزدىڭ, بۋىننىڭ اشىق, ايقىن بولۋىنا سەپتىگىن تيگىزەتىن تاسىلدەرمەن ءبولىستى. سونداي-اق, «ناۆىكي ۆىسوكوەففەكتيۆنىح ليۋدەي» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى.
سەمينارلار مەن ترەنينگتەر بارىسىندا قاتىسۋشىلار قويعان سۇراقتارى بويىنشا دارىسكەرلەردەن تۇششىمدى جاۋاپتار الدى.
