تۇماۋدان امانسىز با؟

بۇل جونىندە باتىس قازاقستان وبلىستىق سانيتارلىق-ەپيدە­ميو­لوگيالىق باقىلاۋ دەپار­تا­مەنتى باسشىسىنىڭ ورىنباسارى نۇرلىبەك مۇستاەۆ حابارلادى. ونىڭ ايتۋىنشا, 1 قازاننان بەرى وڭىردە جرۆي-ءدىڭ 21 089 جاعدايى تىركەلگەن.

– اۋىرعانداردىڭ باسىم بولىگى, ياعني 14 713 ناۋقاس – 14 جاسقا دەيىنگى بالالار, سونىڭ ىشىندە 173 ءسابي – 1 جاسقا دا تولماعان. جۇكتىلىگىنە بايلا­نىس­تى ەسەپتە تۇرعانداردىڭ اراسىندا 31 ايەل اۋىرعان. سونداي-اق وبلىستا وسى دياگ­نوزبەن تىركەلگەندەردىڭ 714-ءى – وقۋشىلار, – دەيدى نۇرلىبەك ەرمەك ۇلى.

ەلىمىزدە دەنساۋلىق ساقتاۋ ءمينيس­ترىنىڭ 2021 جىلى جاريا­لاعان بۇيرىعى بار: ەگەر تار­­بيە جانە ءبىلىم ۇيىم­دا­رىن­دا ۆيرۋستىق ينفەكتسيالار­­مەن اۋىرعان وقۋشى سانى 30%-دان ارتسا, وقۋ ۇدەرىسى ۋا­قىت­شا توقتاتىلادى. مۇنداي اۋرۋ­لاردىڭ قاتارىنا ءجىتى رەس­­پيراتورلىق, تۇماۋ جانە ولار­­دىڭ اسقىنۋلارى, مەنين­گوكوكك ينفەكتسياسى, COVID-19 كوروناۆيرۋستىق ينفەك­تسيا­سى, جەلشەشەك, سكارلاتينا سەكىلدى قاۋىپتى جۇقپالار ەنگىزىل­گەن. ءبىر ءتاۋىرى, بيىلعى ەپيدە­ميالىق كەزەڭنىڭ باسىنان بەرى مۇنداي جاعداي تىركەلگەن جوق.

«اۋىرىپ ەم ىزدەگەنشە, اۋىر­مايتىن جول ىزدە» دەيدى حالىق ناقىلى. تۇماۋعا قارسى ەگۋ وڭىردە 1 قازاننان بەرى امبۋ­لاتورلىق-ەمحانالىق كومەك كور­سەتەتىن بارلىق مەديتسينالىق مەكەمەدە جۇرگىزىلدى. تاۋەكەل توبىنا جاتاتىن ادامدار, ەڭ الدىمەن, مەديتسينا قىزمەتكەرلەرى, مەديتسينالىق مەكەمەلەردە ەسەپتە تۇرعان بالالار, ءجيى اۋىراتىن بالالار, بالالار ءۇيىنىڭ, قارتتار ءۇيىنىڭ تاربيەلەنۋشىلەرى, سوزىلمالى اۋرۋلارى بار ەرەسەكتەر, سونداي-اق ەپيدەميا­لىق كور­سەتكىشتەر بويىنشا جۇكتى­لىك­تىڭ ەكىنشى جانە ءۇشىنشى تري­مەسترىندەگى جۇكتى ايەلدەر, جالپى ءبىلىم بەرەتىن مەكتەپتەردىڭ وقۋشىلارى, جوعارى جانە ورتا وقۋ ورىندارىنىڭ ستۋدەنتتەرى مەن قىزمەتكەرلەرى ۆاكتسيناتسيا­لانۋدان وتكەن.

بۇگىنگى تاڭدا وبلىستا 68 مىڭ ادام تۇماۋعا قارسى ەكپە العان. ونىڭ 3 087-ءسى – سوزىلمالى اۋرۋ­لارى بار بالالار, 21 067-ءسى – ەرەسەك ادام, 7 947-ءسى – مەديتسينا قىزمەتكەرى, 1 038-ءى – جۇكتى ايەل, 455-ءى – وقۋشى.

بۇدان بولەك, ماماندار ­وبلىستا قىزىلشا مەن كوكجوتەل­گە قاتىستى ەپيدەميالىق جاعداي تۇراقتى دەپ سەن­دىرىپ وتىر. بۇل بارىستا سىرقات­تانۋشىلىق دەڭ­گەيى تومەندەپ كەلەدى.

«2024 جىلدىڭ 11 قاراشاسىنا دەيىن وڭىردە قىزىلشا دياگنوزى ­1 265 مارتە تىركەلدى, زەرت­حا­نالىق, كلينيكالىق تەكسەرۋ ناتيجەسىندە 41 رەت كوكجوتەل دياگنوزى راستالدى», دەيدى ن.مۇستاەۆ.

قاۋىپتى دەرت تىركەلگەن ءاربىر وشاقتا ەپيدەمياعا قارسى ءىس-شارا­لار كەشەنى وتكىزىلەدى: سىر­قات­تارمەن قارىم-قاتىناس جا­سا­عان اۋماقتا 21 كۇن بويى مەدي­تسي­نالىق باقىلاۋ ورناتىلادى.

باتىس قازاقستان وبلىسى