سولتۇستىك قازاقستاندا بۇرىنعى پوليتسەيلەر سوتتالدى

پەتروپاۆل. 30 قاڭتار. سولتۇستىك قازاقستان وبلىسىندا سوت ۇكىمىمەن بۇرىنعى ەكى پوليتسيا قىزمەتكەرى 8 جىلعا اباقتىعا جابىلدى. بۇل تۋرالى وبلىستىق سوتتىڭ ءباسپاسوز قىزمەتى حابارلادى. سوتتالۋشىلار ىزدەۋدە جۇرگەن جەڭىل كولىكتەردى ەل اۋماعى ارقىلى زاڭسىز الىپ وتۋگە جاردەمدەسكەن, ۇلتتىق قاۋىپسىزدىك دەپارتامەنتى وكىلىنە پارا بەرمەك بولعان. مامليۋت اۋداندىق ىشكى ىستەر ءبولىمى باستىعىنىڭ ورىنباسارى ق.بەكەنوۆ قىرعىزستان ازاماتىنىڭ ۇرلانعان كولىكتەردى بىشكەك قالاسىنا تاسىمالداپ جۇرگەنىن انىقتاپ, الىم تالاپ ەتۋ ارەكەتىنە كىرىسەدى. ارام ويىن وبلىستىق ىشكى ىستەر دەپارتامەنتى باسقارماسىنىڭ جەدەل ۋاكىلى م.مۇحامەدجانوۆپەن بىرگە جۇزەگە اسىرىپ, قىرعىزستاندىقتان پارا الىپ وتىرعان. ول ءۇشىن «جاڭاجول» كولىكتىك باقىلاۋ بەكەتىنەن قىمبات كولىكتەردى ەش كەدەرگىسىز وتكىزىپ, شەتەلدىك ۆاليۋتامەن ەسەپ ايىرىسقان. قىرعىزستان ازاماتى جىمىسقى ارەكەتتەرى اشكەرەلەنگەننەن كەيىن تاعى دا ەكەۋىنىڭ «كومەگىنە» جۇگىنەدى. ولار تاركىلەنگەن كولىكتەردى قايتارۋ ماقساتىمەن ۇلتتىق قاۋىپسىزدىك دەپارتامەنتىنىڭ قىزمەتكەرلەرىنە 10 مىڭ دوللار پارا ۇسىنعان. ءومىر ەسقالي. دەرەك: سولتۇستىك قازاقستان وبلىستىق سوتىنىڭ ءباسپاسوز قىزمەتى. سۋرەت: egemen.kz.