اتىراۋدا بانك فيليالىنىڭ ديرەكتورى سوتتالدى

اتىراۋ. 30 قاڭتار. اتىراۋ وبلىستىق سوتىنىڭ قىلمىستىق ىستەر جونىندەگى اپەللياتسيالىق سوت القاسى اsia Credit Bank اق فيليالىنىڭ بۇرىنعى ديرەكتورى ل.تۇرىسبەكوۆاعا قاتىستى قىلمىستىق ءىستى قاراپ, №2-ءشى اتىراۋ قالالىق سوتىنىڭ ۇكىمىن وزگەرىسسىز, سوتتالۋشىنىڭ اپەللياتسيالىق شاعىمىن قاناعاتتاندىرۋسىز قالدىردى. بۇل تۋرالى egemen.kz ءتىلشىسى حابارلادى. اتىراۋ قالالىق سوتى وتكەن جىلدىڭ 3 جەلتوقسانداعى ۇكىمىمەن قىلمىستىق كودەكستىڭ 176-بابىنىڭ 3-بولىگىنىڭ «ب» تارماعىندا كوزدەلگەن قىلمىستىق ارەكەتتى جاساعانى ءۇشىن (سەنiپ تاپسىرىلعان بوتەن مۇلiكتi يەلەنiپ الۋ  نەمەسە ىسىراپ ەتۋ) ل.تۇرىسبەكوۆا كىنالى دەپ تانىلىپ, ونى 7 جىل 6 ايعا باس بوستاندىعىنان ايىرعان ەدى. سونىمەن بىرگە, سوتتالۋشىنىڭ مۇلكىن تاركىلەپ, 2 جىل 6 ايعا دەيىن ماتەريالدىق جاۋاپكەرشىلىكپەن قاتىستى قىزمەتپەن اينالىسۋ قۇقىعىنان ايىرۋ جازاسىن تاعايىنداعان بولاتىن. ويتكەنى, ل.تۇرىسبەكوۆا اsia Credit Bank اكتسيونەرلىك قوعامى فيلالىنىڭ ديرەكتورى قىزمەتىن اتقارعان كەزدە قىزمەت بابىن جەكە باس مۇددەسىنە پايدالانىپ, وتە ءىرى كولەمدە قارجى جىمقىرعان دەگەن كۇدىككە ىلىنگەن ەدى. جازانى وتەۋ ورنى جالپى رەجىمدەگى تۇزەۋ كولونياسى دەپ بەلگىلەنىپ, ل.تۇرىسبەكوۆادان اsia Credit Bank اكتسيونەرلىك قوعامىنا 17 000 000 تەڭگە جانە 510 000 تەڭگە مەملەكەتتىك باج سالىعى ءوندىرىلدى. «ءبىرىنشى ساتىداعى سوت ل.تۇرىسبەكوۆاعا قاتىستى ۇكىم شىعارعان كەزدە ونىڭ جاۋاپكەرشىلىگىن جەڭىلدەتەتىن جايتتى, اتاپ ايتقاندا, كىناسىن تولىق مويىنداپ, جاساعان قىلمىستىق ارەكەتىنە وكىنەتىنىن جانە تاربيەسىندە كىشكەنە بالاسى بار ەكەندىگىن ەسكەرگەن ەدى. ءوزىنىڭ اپەللياتسيالىق شاعىمىندا ل.تۇرىسبەكوۆا جاساعان قىلمىسىنا وكىنەتىنىن, قىلمىسىن تولىقتاي مويىندايتىنىن, تاربيەسىندە كىشكەنتاي بالاسى بار ەكەنىن جازىپ, تاعايىندالعان جازانى قىلمىستىق كودەكستىڭ 72-بابىنا (جۇكتi ايەلدەردiڭ جانە جاس بالالارى بار ايەلدەر مەن جاس بالالاردى جالعىز ءوزى تاربيەلەيتىن ەركەكتەردىڭ جازانى وتەۋiن كەيiنگە قالدىرۋ) وزگەرتۋدى سۇراعان بولاتىن. شاعىمداعى كەلتىرىلگەن دايەكتەر مەن قىلمىستىق ءىستى جان-جاقتى زەردەلەي كەلە اپەللياتسيالىق سوت القاسى قىلمىستىق-پروتسەسسۋالدىق كودەكستىڭ 411, 422 جانە 423-باپتارىنىڭ   ءبىرىنشى بولىگىن باسشىلىققا الا وتىرىپ, №2 اتىراۋ قالالىق سوتىنىڭ 2014 جىلدىڭ 3 جەلتوقسانىندا ل.تۇرىسبەكوۆاعا قاتىستى شىعارعان ۇكىمىن وزگەرىسسىز, ال سوتتالۋشىنىڭ اپەللياتسيالىق شاعىمىن قاناعاتتاندىرۋسىز قالدىردى. قاۋلى جاريالانعان ساتتەن باستاپ كۇشىنە ەندى» دەپ حابارلادى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. سۋرەت: راحىم قويلىباەۆ.