اتىراۋ. 30 قاڭتار. اتىراۋ وبلىسىنىڭ الەۋمەتتىك-ەكونوميكالىق سالاسىندا 17 مىڭ زاڭ بۇزۋشىلىق انىقتالىپ, پروكۋرورلار پارمەنىمەن ولاردى جويۋ شارالارى الىندى. بۇل تۋرالى egemen.kz ءتىلشىسى حابارلادى.
ەل زاڭدارىنىڭ ساقتالۋىن قاداعالاۋشى پروكۋرورلاردىڭ ىقپال ەتۋىمەن 2500-گە جۋىق تۇلعا ءار ءتۇرلى جاۋاپكەرشىلىككە تارتىلىپتى. «زاڭ بۇزۋشىلىقتارعا بايلانىستى 41 قىلمىستىق ءىس قوزعالىپ, 901 زاڭسىز قۇقىقتىق اكتىنىڭ كۇشى جويىلدى», دەپ ءمالىم ەتتى وبلىس پروكۋرورى عالىمجان توعىزباەۆ.
سونىمەن بىرگە, پروكۋروراتۋرا قىزمەتكەرلەرى 62 مىڭنان استام ازاماتتىڭ, ونىڭ ىشىندە 8 مىڭعا جۋىق جاسى كامەلەتكە تولماعانداردىڭ كونستيتۋتسيالىق قۇقىعىنىڭ قورعالىپ, قالپىنا كەلتىرىلۋىنە ىقپال ەتتى.
جولداسبەك شوپەعۇل.
دەرەك: اتىراۋ وبلىستىق پروكۋروراتۋراسى.
سۋرەت: راحىم قويلىباەۆ.
