رۋحاني باسقوسۋعا قمدب توراعاسى, باس ءمۇفتي ناۋرىزباي قاجى تاعان ۇلى, سەنات دەپۋتاتى دارحان قىدىرالى, «قازاق گازەتتەرى» سەرىكتەستىگىنىڭ باس ديرەكتورى, اكادەميك ديحان قامزابەك ۇلى باستاعان زيالى قاۋىم وكىلدەرى مەن تانىمال تەلە-راديو, ءباسپاسوز جۋرناليستەرى, ءدىني باسقارمانىڭ ءبولىم باسشىلارى مەن «Munara» گازەتىنىڭ ۇجىمى قاتىستى.
قۇران اياتتارىن وقۋمەن باستالعان دوڭگەلەك ۇستەلدە باس ءمۇفتي ناۋرىزباي قاجى تاعان ۇلى ۋاقىت ءبولىپ ارنايى كەلگەن زيالى قاۋىم وكىلدەرىنە العىس ايتىپ, ءدىني باسقارمانىڭ ءتول باسىلىمىن جارىققا شىعارىپ وتىرعان «Munara» گازەتىنىڭ ۇجىمىن قۇتتىقتادى. سونداي-اق ول بۇقارالىق اقپارات قۇرالدارىندا ءدىن تاقىرىبىن قوزعاۋدا بايىپتىلىق كەرەك ەكەنىن العا تارتتى.
«وزدەرىڭىزگە جاقسى تانىس, ءدىن ماسەلەسى – كۇردەلى دە نازىك تاقىرىپ. سوندىقتان بۇل تاقىرىپتى قالامىنا ارقاۋ ەتكەن جۋرناليست بايسالدى دا بايىپتى, ساۋاتتى دا تاجىريبەلى بولۋعا ءتيىس. ايتپەسە قاتە ءدىني اقپارات نەمەسە قاتە پىكىر قوعامدى دۇربەلەڭگە سالۋى مۇمكىن. وعان ءبىز كۋا بولىپ ءجۇرمىز. قۇران كارىمنىڭ «كاھف» سۇرەسىنىڭ 17-اياتىندا «اۋزىنان ءبىر ءسوز شىقسا بولدى, الدىندا باقىلاۋشىسى دايىن» دەلىنگەن. سوندىقتان ادام بالاسى, سونىڭ ىشىندە حالىققا اقپارات تاراتاتىن جۋرناليستەر قاۋىمى سويلەگەن سوزىنە, جەتكىزگەن اقپاراتىنا بايىپپەن قاراۋى كەرەك دەپ ويلايمىن. سەبەبى ءبىراۋىز سوزبەن ەلدىڭ ىقىلاسىنا بولەنۋگە بولادى. نەمەسە كەرىسىنشە, ءبىراۋىز سوزىمەن ءسۇرىنىپ كەتۋى دە عاجاپ ەمەس. مۇنى ايتۋداعى سەبەبىمىز – ءسوز ۇستاعان, قالامنىڭ قاسيەتىن ۇعىنعان جاندار ءدىن تاقىرىبىن قوزعاردا اسا ساق بولۋعا ءتيىس. ويتكەنى ادامنىڭ سەنىمى – وعان قايرات بەرەتىن كۇش ءارى پەندەنىڭ ەڭ ءالسىز تۇسى. ال بىرەۋدىڭ سەنىمىن قورلاۋدان ارتىق قيانات جوق. سول سەكىلدى ءبىر ادامنىڭ جەكە باسىنا ءتيىسۋ, ءدىني سەنىمىن مانسۇقتاۋ, ابىرويىن توگۋ سەكىلدى ماسەلەلەر ەشكىمگە ابىروي اپەرمەيدى. ارينە, اقپارات الاڭىندا ءتۇرلى كەرەعار پىكىرلەردىڭ, پىكىرتالاستاردىڭ بولعانى دۇرىس. الايدا پىكىرتالاستىڭ ءوزى بايىپپەن, ءوز ادەبىنە ساي بولعانى ابزال», دەدى قمدب توراعاسى.
دوڭگەلەك ۇستەل بارىسىندا زيالى قاۋىم وكىلدەرى مەن ءباسپاسوز سالاسىنىڭ مايتالماندارى وتاندىق جۋرناليستيكاداعى ءدىن تاقىرىبىنىڭ ماڭىزىنا توقتالىپ, حالىققا دۇرىس اقپارات بەرۋدەگى بۇقارالىق اقپارات قۇرالدارىنىڭ جاۋاپكەرشىلىگى مەن مىندەتىنە نازار اۋداردى.
جۋرناليستەر «Munara» گازەتىنىڭ باس رەداكتورى سەرىكبول حاساننىڭ شىعارماشىلىق ىزدەنىسى مەن تاجىريبەسىن دە ەرەكشە باعالادى.
سونداي-اق جيىندا ارداگەر جۋرناليست جانبولات اۋپباەۆتىڭ ء«بىز دە ولەڭ جازعانبىز» جيناعىنىڭ تۇساۋكەسەرى ءوتىپ, كوپشىلىككە تانىستىرىلدى. مۇندا «Munara» گازەتىنىڭ ء«بىز دە ولەڭ جازعانبىز...» ايدارىمەن جارىق كورگەن جازۋشى-جۋرناليستەردىڭ اقىندىق قولتاڭباسىن تانىتاتىن ولەڭدەرى توپتاستىرىلعان.
