قىزىلوردا كاسىپكەرلەرىنىڭ ۇسىنىستارى قولداۋ تاۋىپ كەلەدى

استانا. 30 قاڭتار. قىزىلوردا وبلىسىنىڭ كاسىپكەرلەر پالاتاسى جەرگىلىكتى جانە رەسپۋبليكالىق مەملەكەتتىك ورگاندارمەن ۇسىنىلعان نورماتيۆتىك-قۇقىقتىق اكتىلەردىڭ جوبالارىن تۇراقتى تۇردە تالقىلاپ كەلەدى. بۇل تۋرالى وبلىستىق كاسىپكەرلەر پالاتاسىنىڭ ءباسپاسوز قىزمەتى حابارلادى. ماسەلەن, وتكەن جىلى جەرگىلىكتى اتقارۋشى ورگانداردان تۇسكەن 100 نورماتيۆتىك-قۇقىقتىق اكتىنىڭ جوباسى بويىنشا كاسىپكەرلەر پالاتاسى ۇسىنىستار مەن تولىقتىرۋلاردان تۇراتىن 45 ەكسپەرتتىك قورىتىندى بەردى. مۇنىمەن قوسا, ورتالىق مەملەكەتتىك ورگاندار ازىرلەگەن                        15 نورماتيۆتىك-قۇقىقتىق اكتى بويىنشا ۇلتتىق كاسىپكەرلەر پالاتاسىنا ۇسىنىستار جولدانىپ, ناتيجەسىندە 3 جوبا بويىنشا ۇسىنىس قولداۋ تاپتى. قىزىلوردا وبلىستىق كاسىپكەرلەر پالاتاسىنىڭ باستاماسىمەن قازىرگى قولدانىستاعى 22 زاڭ بويىنشا ۇسىنىس بەرىلىپ, 6 نورماتيۆتىك-قۇقىقتىق اكتىلەرگە وزگەرىستەر ەنگىزىلدى. سونداي-اق, پالاتا كاسىپكەرلەردەن تۇسكەن وتىنىشتەر بويىنشا پروبلەمالىق ماسەلەلەردىڭ رەەسترىن قالىپتاستىرىپ, ماسەلە شەشىلگەنگە دەيىن تۇراقتى باقىلاۋعا الادى. وتكەن جىلى مۇندا 54 پروبلەمالىق ماسەلەنىڭ ءتىزىلىمى قالىپتاستىرىلىپ, ۇلتتىق كاسىپكەرلەر پالاتاسىنا جولداندى. ونىڭ 14-ءى جەرگىلىكتى, 40-ى رەسپۋبليكالىق دەڭگەيدەگى ماسەلەلەر. ناتيجەسىندە جەرگىلىكتى 10, رەسپۋبليكالىق دەڭگەيدەگى 4 ماسەلە شەشىلدى جانە رەسپۋبليكالىق دەڭگەيدەگى 25 ماسەلە بويىنشا ۇلتتىق كاسىپكەرلەر پالاتاسى تاراپىنان ءتيىستى تۇسىندىرمە بەرىلىپ, ماسەلەلەر وڭ شەشىمىن تاپتى. جولدىباي بازار. دەرەك, سۋرەت: قىزىلوردا وبلىستىق كاسىپكەرلەر پالاتاسىنىڭ ءباسپاسوز قىزمەتى.