كوپ كىتاپ سىيلادى

كىتاپحانا – ۇلتتىق قۇندىلىقتاردى جاستارعا جەتكىزە دارىپتەيتىن ورىن. وڭىردەگى مادەني جۇمىستاردىڭ ۇيىتقىسى بولىپ جۇرگەن اۋدان اكىمى قاناتبەك مادىبەكتىڭ قول­داۋى ارقاسىندا كىتاپحانالاردىڭ ماتەريالدىق-تەحنيكالىق بازاسى ەداۋىر نىعايدى. تەك وتكەن جىلدىڭ وزىندە 4 كىتاپحانا عيماراتى اعىمداعى جوندەۋدەن وتكىزىلدى. اۋدانداعى 26 كىتاپحانا تۇگەل كومپيۋتەر جيناق­تارى­مەن قامتاماسىز ەتىلدى جانە عالامتور جەلىسىنە قوسىلدى. اۋداندىق كىتاپحانا كابيس, ال اۋىلدىق كىتاپ­حانالار رابيس باعدارلاماسىمەن جۇمىس اتقارۋعا قول جەتكىزدى. جانە كىتاپحانا جۇيەسىنىڭ جەكە سايتى اشىلدى. ەلەكتروندى جارنامالىق قۇرىلعى ورناتىلدى. كىتاپ ساتىپ الۋعا بولىنەتىن قارجى جىلدان-جىلعا كوبەيىپ  كەلەدى. ۇستىمىزدەگى جىلى زاعيپ جاندارعا كىتاپحانالىق قىزمەت كورسەتەتىن ءبولىم اشۋ كوزدەلۋدە. وتكەن جىلى «كىتاپحاناعا كىتاپ سىيلايىق» اتتى اتتى اكتسيا ءوتىپ, ءىس-شارا بارىسىندا 903 دانا كىتاپ اۋداندىق كىتاپحاناعا تاپ­سى­رىلدى. اۋدان اكىمى ق. مادىبەك وتكەن جىلعى اكتسيادا 145 دانا كىتاپ تاپ­سىرسا, بيىلعى جىلدىڭ باسىندا سارىسۋ اۋداندىق ورتالىقتاندىرىلعان كىتاپحانالار جۇيەسىنە جەرلەسىمىز, اۋدا­نىمىزدىڭ ارداقتى ازاماتى ءاسانالى ءاشىموۆتىڭ 300 دانا فوتوالبومىن,  شونا سماحان ۇلىنىڭ 72 دانا كىتابىن, مارالتاي رايىمبەك ۇلىنىڭ 89 دانا «قاراتاۋ حازالدارى», ساۋلەمباي ءابسادى­ق ۇلىنىڭ جەرلەسىمىز, اتاقتى بوكس شەبەرى سەرىك ومىربەكوۆ جايلى 22 دانا «سەرىك – قازاقتىڭ باتىرى» اتتى كىتاپتارىن سىيعا بەرىپ, 22 اۋىلدىق كىتاپحاناعا تاراتىلدى. بارلىعى 600 دانا كىتاپ وقىرماندارعا جول تارتتى. سۆەتلانا قوجانازاروۆا, اۋداندىق ورتالىقتاندىرىلعان كىتاپحانالار جۇيەسىنىڭ ديرەكتورى. جامبىل وبلىسى, سارىسۋ اۋدانى.