فوتو: lifeinitaly.com
ارمان شاققاليەۆتىڭ ايتۋىنشا, يتاليا ەۋروپالىق وداق ەلدەرى اراسىندا ەلىمىزدىڭ نەگىزگى ساۋدا سەرىكتەستەرىنىڭ ءبىرى بولىپ سانالادى. 2023 جىلى ەكى ەل اراسىنداعى جالپى تاۋار اينالىمى 16,1 ملرد دوللاردى قۇرادى, بۇل وتكەن جىلمەن سالىستىرعاندا 7,8%-عا كوپ. قازاقستاننان يتالياعا ەكسپورت 14,8 ملرد دوللارعا جەتتى, ال يمپورت 1,2 ملرد دوللار بولدى, بۇل ءوسىمنىڭ وڭ ديناميكاسىن كورسەتىپ وتىر.
ساۋدا-ساتتىقتىڭ ءوسۋى بيىل دا جالعاسىن تاپتى. 2024 جىلدىڭ سەگىز ايىندا ساۋدا كولەمى 33%-عا ءوسىپ, 13,8 ملرد دوللاردى قۇرادى, بۇل رەتتە وتاندىق ءونىمنىڭ ەكسپورتى 36% -عا ارتىپ, 12,9 ملرد دوللارعا جەتتى.
ساۋدا جانە ينتەگراتسيا ءمينيسترى ارمان شاققاليەۆ 29 قازاندا استانادا ەكونوميكالىق ىنتىماقتاستىق جونىندەگى قازاقستان-يتاليا ۇكىمەتارالىق جۇمىس توبىنىڭ (ۇاك) 9-وتىرىسى وتكەنىن اتاپ ءوتتى. وتىرىس مەملەكەت باسشىسى قاسىم-جومارت توقاەۆتىڭ قاڭتار ايىندا يتالياعا ساپارىنان كەيىنگى تاپسىرماسى شەڭبەرىندە ءوتتى جانە ساۋدا-ەكونوميكالىق ماسەلەلەردى تالقىلاۋدا ماڭىزدى ءرول اتقارادى.
ءوز كەزەگىندە يتاليالىق قوناق ەدموندو چيريەللي شاقىرعانى ءۇشىن العىسىن ءبىلدىرىپ, كەزدەسۋدىڭ ماڭىزدىلىعىن اتاپ ءوتتى.
ء«بىزدىڭ ساۋدا-ەكونوميكالىق سالاداعى قارىم-قاتىناسىمىز نىعايا تۇسەتىنىنە سەنىمدىمىز. قازاقستان ورتالىق ازيادا نەگىزگى ورىنعا يە جانە ەۋروپانى وڭىرمەن بايلانىستىرادى. ەكىجاقتى ساۋدا كولەمى ەداۋىر ءوستى جانە قول جەتكىزىلگەن ناتيجەلەرگە قاناعاتتانامىز. قازاقستاندا «Cassa Depositi e Prestiti» مەملەكەتتىك بانكىنىڭ نەسيە جەلىسىن اشۋدى جوسپارلاپ وتىرمىز. ەكى ەل اراسىنداعى قارىم-قاتىناستىڭ دامي بەرەتىنىنە سەنىمدىمىز. بۇل كەزدەسۋلەردى وتكىزۋ ىنتىماقتاستىعىمىزدىڭ التى جىلدىق كەزەڭىن اياقتاعان ماڭىزدى كەزەڭ بولدى», دەدى يتاليانىڭ سىرتقى ىستەر ءمينيسترىنىڭ ورىنباسارى.
