فوتو: ult.kz
كورمەنىڭ باستى يدەياسى – وڭىرلەردەگى ءبىلىم وشاقتارىنىڭ جاڭا تەحنولوگيالاردى يگەرۋىن, باسەكەگە ۇمتىلىسىن, ەلدىمەكەننىڭ دامۋىنا تيگىزگەن اسەرى مەن جەرگىلىكتى تۇرعىنداردىڭ بولمىسى مەن كۇندەلىكتى تىرشىلىگىن ايشىقتايدى.
فوتوكورمە «ÓzgeEpic» كرەاتيۆ حابىنىڭ باستاماسىمەن جانە ۇيىمداستىرۋىمەن جانە ءبىلىم بەرۋ سالاسىن تۇراقتى دامىتۋ قورى (furo.kz) قولداۋىمەن جۇزەگە استى. اتاپ وتەرلىگى, ءبىلىم بەرۋ سالاسىن تۇراقتى دامىتۋ قورى ەلىمىزدە اۋىل مەن قالا مەكتەپتەرىندەگى ءبىلىم ساپاسى تەڭسىزدىگىن ازايتۋعا باعىتتالعان جوبالاردى ىسكە اسىرادى.
جوبا كۋراتورى – توعجان قۇرمانجانقىزى. جوباعا تانىمال فوتوسۋرەتشىلەر ايگەرىم بەگىمبەت جانە ءسابينا ابدىمالىك شاقىرىلدى.
ايگەرىم بەگىمبەت – جۋرناليست ءارى فوتوسۋرەتشى. «100 جاڭا ەسىم» جوباسىنىڭ جەڭىمپازى. «ۇركەر» ۇلتتىق سىيلىعىنىڭ لاۋرەاتى. «تىرشىلىك», «تۇركىستان ايەلدەرى» فوتوكورمەلەرىنىڭ اۆتورى.
ءسابينا ابدىمالىك – سۋرەتشى-فوتوگراف. فوتوجۇمىستارى الماتى, اتىراۋ, استانا قالالارىندا قويىلعان. سونىمەن بىرگە «تۇستە» جەكە فوتوكورمەسى وتكەن. فوتوونەرمەن قاتار, دەرەكتى فيلمدەر تۇسىرۋمەن اينالىسادى.
كورمە بارىسىندا فوتوسۋرەتشىلەر شىعارماشىلىق ويلارىن ورتاعا سالىپ, كورمەنىڭ بىرنەشە كەيىپكەرىن تانىستىرادى. «اۋىل مەكتەبى» – شالعايداعى ءبىلىم بەرۋ مەكەمەلەرىنىڭ زياتكەرلىك الەۋەتىن كوپشىلىككە تانىتۋعا, سونداي-اق اۋىل مەكتەپتەرى مەن وقۋشىلارىنىڭ دامۋىنا جاڭا سەرپىن بەرەتىن بىرەگەي شىعارماشىلىق جوبا.
وتەتىن ورنى: «ÓzgeEpic» كرەاتيۆ حابى, استانا قالاسى, بەيبارىس سۇلتان كوشەسى, 12ا. وتەتىن ۋاقىتى: 7 قاراشا, 16:00. +7 705 121 4689
