فوتو:primeminister.kz
سەنات وتىرىسىندا دەپۋتاتتار وسىعان دەيىن كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ وتىرىسىندا وسى ماسەلەنى تالقىلاپ, ورتالىق سايلاۋ كوميسسياسىنىڭ مۇشەلىگىنە ءلاززات سۇيىندىكتىڭ كانديداتۋراسىن قولدادى.
ءلاززات سۇيىندىك ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن, قازتۇتىنۋوداعى قاراعاندى ەكونوميكالىق ۋنيۆەرسيتەتىن بىتىرگەن. «بولاشاق» باعدارلاماسىنىڭ ستيپەندياتى, ۇلىبريتانياداعى شەففيلد ۋنيۆەرسيتەتىندە ءبىلىم العان.
بايلانىس سالاسىندا ۇلكەن تاجىريبەسى بار, اقپارات مينيسترلىگى مەن «حابار» اگەنتتىگىندە ۇزاق ۋاقىت جاۋاپتى باسشىلىق قىزمەتتەردە جۇمىس ىستەگەن.
ەسكە سالايىق, بۇعان دەيىن مەملەكەت باسشىسى ورتالىق سايلاۋ كوميسسياسىنىڭ ەكى مۇشەسىن قىزمەتىنەن بوساتقان ەدى. سونىمەن قاتار, سەنات وسك مۇشەسى اناستاسيا ششەگورتسوۆانىڭ وكىلەتتىگىن توقتاتتى.
