فوتو: وقۋ-اعارتۋ مينيسترلىگى
وقۋ-اعارتۋ مينيسترلىگىنىڭ مالىمەتىنشە, ارقالىقتاعى مەكتەپ 300 ورىنعا لايىقتالعان. بۇل مەكتەپتە بالالاردىڭ بويىندا زەرتتەۋشىلىك داعدىلارىن قالىپتاستىرۋ ماقساتىندا جابدىقتالعان 26 وقۋ كابينەتى بار.
مەكتەپتە وقۋشىلاردىڭ IT-قۇزىرەتتىلىگىن, عىلىمي جانە شىعارماشىلىق الەۋەتىن قولداۋ ءۇشىن زاماناۋي روبوتوتەحنيكا كابينەتتەرى, كومپيۋتەرلىك سىنىپتار جانە STEM-زەرتحانالارى دا جاساقتالعان.
تاراز قالاسىنداعى جايلى مەكتەپتە 1200 وقۋشى ءبىلىم الادى. مەكتەپ عيماراتىندا ءماجىلىس زالى, 60-قا جۋىق وقۋ كابينەتى, اسحانا, 2 سپورت زالى, 2 لينگافون كابينەتى, 3 زەرتحانا, كىتاپحانا, كومپيۋتەر زالدارى, سونىمەن قاتار 3 شەبەرحانا مەن 10 كوۆوركينگ-ورتالىق بار. بۇل جامبىل وبلىسىندا اشىلىپ وتىرعان ەكىنشى جايلى مەكتەپ.
ايتا كەتەيىك, جىل باسىنان بەرى ەلىمىزدە 84 مىڭ وقۋشىعا ارنالعان 32 جايلى مەكتەپ اشىلدى.
