وسى جىلدىڭ 4-5 قاراشاسىندا اقتوبە قالاسىنداعى C2 كوۆوركينگ ورتالىعىنىڭ ءماجىلىس زالىندا قازاقستان رەسپۋبليكاسى مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ قولداۋىمەن «رۋحاني جاڭعىرۋ» قوعامدىق قورىنىڭ ۇيىمداستىرۋىمەن ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى.
ءىس-شاراعا ء«دىن زەرتتەۋ ورتالىعىنىڭ», مەشىتتەردىڭ, ورتا جانە جوعارى وقۋ ورىندارىنىڭ جانە ت.ب ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى –پەداگوگيكا جانە ءدىنتانۋ مامانى جاكيانوۆ دۋلات جاردەمكۋلوۆيچ جانە ءدىنتانۋشى مىرزاەۆ بالعابەك ابدىقايىم ۇلى سەمينار وقىدى.
جاكيانوۆ دۋلات جاردەمكۋلوۆيچ «ءدىني احۋالدى مونيتورينگ جانە تالداۋ ماسەلەلەرى» تاقىرىبىندا جاھاندىق جاعدايداعى تەرروريزم مەن ءدىني ەكسترەميزمگە قارسى كۇرەستىڭ قۇقىقتىق نەگىزدەرىن توقتالا وتىرىپ, ءدىن سالاسىنداعى مەملەكەتتىك ساياساتتىڭ نەگىزگى باعىتتارىن, پرينتسيپتەرىن قاتىسۋشىلارعا ءتۇسىندىردى.
مىرزاەۆ بالعابەك ابدىقايىم ۇلى «قازاقستان رەسپۋبليكاسىنداعى راديكالدىق جانە ەكسترەميستىك باعىتتاعى ءدىني اعىمدار جانە ولاردىڭ بەلسەندىلىگى تۋرالى» تاقىرىبى اياسىندا تىڭداۋشىلارعا ءدىني سانانىڭ ەرەكشەلىكتەرىن, دىندارلىقتىڭ قۇرىلىمىن, جەكە تۇلعانىڭ جانە قوعامنىڭ ءدىني دامۋ ايىرماشىلىقتارىن ءتۇسىندىردءى. سونداي-اق «زايىرلىلىق جانە ونىڭ ءدىني بىرلەستىكتەرمەن قارىم قاتىناسىنىڭ نەگىزگى پرينتسيپتەرى» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
سونىمەن قاتار سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار بەرىلدى.
