قر مادەنيەت جانە اقپارات مينيسترلىگىنىڭ ءدىن ىستەرى كوميتەتىنىڭ ارنايى جوباسى اياسىندا ۇيىمداستىرىلعان شاراعا شىعىس قازاقستان وبلىسى ءدىن ىستەرى باسقارماسى قولداۋ كورسەتتى.
ءىس-شارالارعا راتت مۇشەلەرى شىعىس قازاقستان وبلىسى, ء«دىن زەرتتەۋ ورتالىعى» تەولوگ ماماندارى نازاربەكوۆ رينات توقتامىس ۇلى مەن قاناپيانوۆ ەرنۇر بولاتبەك ۇلى, اباي وبلىسى, ء«دىن زەرتتەۋ ورتالىعىنىڭ» ديرەكتورى ءومىرحانوۆ ماقسات ەرلان ۇلى جانە استانا قالاسى, «كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى», باس ساراپشىسى جاقيانوۆ دۋلات جاردەمقۇل ۇلى قاتىستى.
شارا بارىسىندا وسكەمەن, ريددەر قالالارى, ۇلان, گلۋبوكوە جانە زايسان اۋداندارىنىڭ تۇرعىندارىمەن, ستۋدەنتتەرمەن, اسكەري ساربازدارمەن, جاستارمەن جانە جوعارعى سىنىپ وقۋشىلارىمەن كەزدەسۋلەر وتكىزىلدى. كەزدەسۋدە «قازاقستانداعى ءداستۇرلى يسلام: ەرەكشەلىكتەرى مەن قۇندىلىقتارى», «دەسترۋكتيۆتى ءدىني اعىم يدەولوگياسىنىڭ قاۋپى», «راديكالدى يدەيالاردىڭ اسەرىنەن قالاي قورعانۋعا بولادى», «ينتەرنەت كەڭىستىگىندەگى مانيپۋلياتسيالار جانە ولاردى بەيتاراپتاندىرۋ ادىستەرى», «درت ديالوگتارى – ۇلتتىق قاۋىپسىزدىككە تونگەن قاۋىپ» جانە ت.ب. تاقىرىپتار اياسىندا وي ءوربىتىلدى.
