وسكەمەندە ەلباسىن ۇلىقتاۋ ءراسىمىن قولداعان شارا ءوتتى

وسكەمەن. 29 ءساۋىر. وبلىس ورتالىعىنداعى كومسومول ارالىندا شىعىسقازاقستاندىق جاستار مەملەكەت باسشىسىنىڭ ۇلىقتاۋ راسىمىنە قولداۋ ءبىلدىرىپ, فلەشموب وتكىزدى. بۇل تۋرالى egemen.kz حابارلادى. اتالعان شاراعا بەلسەندى جاستار, ۇكىمەتتىك ەمەس ۇيىمدار مەن ستۋدەنتتەردەن قۇرالعان 500-دەن استام ادام قاتىستى. ازاماتتىق ۇستانىمدارىن بىلدىرگەن جاستار: «ءبىزدىڭ كۇشىمىز – بىرلىكتە!»,–دەپ ۇران تاستادى. شارادا داۋلەت سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ الەۋمەتتىك دامۋ جانە تاربيە جۇمىستارى دەپارتامەنتى ديرەكتورى باقىت زلوبين: «ەلىمىزدىڭ پرەزيدەنتى نۇرسۇلتان نازارباەۆ اتاپ وتكەندەي, ماڭگىلىك ەل بولۋىمىز ءۇشىن ادامدى, جاس بۋىندى تاربيەلەۋ كەرەك. سوندا ءبىز, جاستار, وتانىمىزدىڭ دامۋىنا ءوز ۇلەسىمىزدى قوساتىن بولامىز», – دەدى. ايتا كەتۋ كەرەك, بۇگىن شىعىس ءوڭىرىنىڭ ەڭبەك ۇجىمدارى مەن ۇيىمدارى, وقۋ ورىندارى جانە اسكەري بولىمدەر اتالعان تاريحي وقيعانى ۇيىمداسقان تۇردە تىكەلەي ەفيردەن بىرگە تاماشالادى. سونداي-اق, بارلىق اۋداندا ءتۇرلى ءىس-شارالار وتۋدە. ال وبلىس ورتالىعىنداعى «ارالدار» رەزيدەنتسياسىندا مىڭداعان جاستاردىڭ قاتىسۋىمەن «ستۋدەنت كوكتەمى» ءىس-شاراسى ۇيىمداستىرىلادى. دۋمان اناش. دەرەك, سۋرەت: ەgemen.kz.