فوتو: سۋ رەسۋرستارى جانە يرريگاتسيا مينيسترلىگى
ەلىمىزدە 8 باسسەيندىك ينسپەكتسيا: ارال-سىرداريا, بالقاش-الاكول, ەرتىس, ەسىل, جايىق-كاسپي, نۇرا-سارىسۋ, توبىل-تورعاي جانە شۋ-تالاس جۇمىس ىستەپ تۇر.
مينيسترلىك ۇسىنعان دەرەك بويىنشا, توبىل-تورعاي باسسەينىنىڭ سۋ قويمالارى 62%, ەسىل باسسەينى سۋ قويمالارى 85%, جايىق - كاسپي باسسەينى سۋ قويمالارى 37%, ەرتىس باسسەينى سۋ قويمالارى 83%, نۇرا-سارىسۋ باسسەينى سۋ قويمالارى 86%, ارال-سىرداريا باسسەينى سۋ قويمالارى 23%, بالقاش-الاكول باسسەينى سۋ قويمالارى 89% جانە شۋ-تالاس باسسەينىنە قاراستى سۋ قويمالارىنا 54% سۋ جينالعان.
«قازىرگى ۋاقىتتا سولتۇستىك, باتىس جانە شىعىس وڭىرلەردەگى سۋ قويمالارىنان سۋ جىبەرىلىپ جاتىر. بۇل كوكتەمگى سۋ تاسقىنى كەزىندە ەرىگەن قار سۋىن قابىلداۋعا بوس ورىندى قامتاماسىز ەتۋ ءۇشىن جاسالۋدا. قازاقستاننىڭ وڭتۇستىگىندەگى سۋ قويمالارى سۋ جيناۋ رەجيمىندە جۇمىس ىستەپ تۇر. سۋدىڭ مول بولۋىنا بايلانىستى 76%-عا تولعان جامبىل وبلىسىنداعى تاسوتكەل سۋ قويماسى ترانزيتتىك رەجيمگە اۋىستىرىلادى», دەدى سۋ رەسۋرستارىن رەتتەۋ, قورعاۋ جانە پايدالانۋ كوميتەتى توراعاسىنىڭ مىندەتىن اتقارۋشى گۇلميرا يماشەۆا.
مينيسترلىك قازىر سۋ قويمالارى كەستەگە ساي جۇمىس ىستەپ تۇرعانىن جانە جوسپار سۋ تاسقىنى بولجامىنا ساي تۇزىلەتىنىن ەسكەرتتى.
