كاسپي مۇز قۇرساندى

اۋا رايىنىڭ كۇرت سۋىتىپ, بىرنەشە كۇن بويى ايازدىڭ بەتى قايتپاۋى كاسپي تەڭىزى بەتى­نىڭ قاتىپ, مۇز جامىلۋىنا سوقتىردى. بۇل سۋى تۇزدى جانە تۇيىق تەڭىزدە سيرەك كەزدەسەتىن جاعداي. تەڭىز سۋىنىڭ قاتۋىنا بىرىنشىدەن, كۇننىڭ بىرتە-بىرتە ەمەس, كۇرت سۋىتۋى سەبەپ بولسا, ەكىنشىدەن, سول قارساڭدا جەلدىڭ بولماي, تەڭىزدە تولقىنداردىڭ الاسۇرماي تىنىش جاتۋى مۇمكىندىك بەردى, دەيدى ماماندار. سون­داي-اق, ماماندار مۇنداي جاعدايدىڭ كاس­پيدە 5-7 جىلدا كەزدەسەتىنىن ايتىپ وتىر. اقتاۋ ماڭىنا كەلىپ, تۇرعىنداردىڭ كوز-قۋا­نىشىنا اينالعان اققۋلار قازىر تاماقتاندىرۋ تۇرعىسىندا كومەككە مۇقتاج ەمەس. – نەگىزىنەن اققۋلاردىڭ دەنى «قازاتومونەر­كاسىپ» جشس سۋىنان پايدا بولعان قاراكول قاۋمالىندا بولاتىندىقتان, اقتاۋ ماڭىن­داعى اققۋلاردىڭ دا قيىن جاعدايدا سۋى قات­پاي­تىن اتالمىش مەكەنگە ۇشىپ كەتۋ مۇمكىن­دىگى بار. ونىڭ ۇستىنە مۇز جامىلعان تەك تەڭىزدىڭ جاعالاۋى عانا, ورتا تۇسى قاتپاعان كۇيىندە, دەيدى ماڭعىستاۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى ورىنباسار توعجانوۆ. گۇلايىم شىنتەمىرقىزى, «ەگەمەن قازاقستان». ماڭعىستاۋ وبلىسى. سۋرەتتەردى تۇسىرگەن تالانت قۇسايىن.