جەڭىستىڭ 70 جىلدىعىنا 7 تولىق, 70 قىسقامەتراجدى فيلم ۇسىنادى

«قازاقستان» رەسپۋبليكالىق تەلەراديوكورپوراتسياسى جەڭىستىڭ 70 جىلدىعىنا وراي تاريحي-تانىمدىق دەرەكتى فيلمدەر توپتاماسىن ۇسىنادى. الەم تاريحىنداعى ەڭ سۇراپىل سوعىسقا 1 ميلليون 200 مىڭ قازاقستاندىق قاتىسىپ, ونىڭ 600 مىڭنان استامى قازا تاپقانىن, مايداندى قارۋمەن, كيىممەن, ازىق-ت ۇلىكپەن قامتاماسىز ەتۋ جۇمىسىنا بالالاردان قارتتارعا دەيىن قاتىسقانىن ەسكەرگەندە, بۇل – قازاقستان ءۇشىن ۇمىتۋعا بولمايتىن تاقىرىپ. سول ەرەسەن ەرلىك پەن تىنىمسىز ەڭبەك شەجىرەسى «قازاقستان» رەسپۋبليكالىق تەلەرا­ديو­كورپوراتسياسىنىڭ تاپسىرىسى بويىنشا «MG production» كومپانياسى تۇسىرگەن «ەلدىڭ ەرلىگى» اتتى 7 بولىمنەن تۇراتىن تولىق­مەتراجدى دەرەكتى فيلمگە ارقاۋ بولدى. ول تۋعان ەل ءۇشىن جانىن پيدا ەتكەن قاھار­مانداردىڭ, تىعىرىقتان جول تاپقان كومانديرلەردىڭ, جەڭىستىڭ جاقىنداۋىنا ۇلەس قوسقان ەڭبەككەرلەردىڭ تاعدىرىنا ارنالعان. مايدان مەن تىل وقيعالارى بويىنشا تۇسىرىلگەن كورىنىستەر بارىنشا شىنايىلىعىمەن ەرەكشەلەنەدى. دەرەكتى فيلمدەر جەلىسى 2 اقپاننان باستاپ 20.00-دە «قازاقستان» ۇلتتىق تەلەارناسىنىڭ ەفيرىنە شىعادى. سونداي-اق, جەڭىستىڭ 70 جىلدىعىنا وراي 70 قىسقامەتراجدى دەرەكتى فيلم ءازىر­لەنۋ­دە. وندا كوزى ءتىرى مايدان جانە تىل ارداگەر­­لەرى­­نىڭ ەستەلىكتەرىمەن قاتار رەسەي, ۋكراينا, بەلا­رۋس مۇراعاتتارىنان تابىلعان قازاقستاندىق­تار­عا قاتىستى قۇجاتتار, سول ەلدەردىڭ مۇراعات قورىنان الىنىپ, بۇعان دەيىن تەلەارنالاردان بەرىلمەگەن كينوكورىنىستەر بار. اتاققا ۇسىنىلعانىمەن, ءتيىستى ماراپاتتارىن الا الماعان بەلگىسىز باتىرلار, حابارسىز كەتكەن سولداتتار, سوعىس جىلدارىندا سۋىت كوشىرىلگەن زاۋىت-فابريكالار, تىل ەڭبەككەرلەرىنىڭ ەلەۋسىز قالعان  ەرەكشە ارەكەتتەرى, قازاقستانعا ەرىكسىز قونىس اۋدارعانداردىڭ اۋىر تاعدىرى كەڭىنەن قامتىلعان. بۇدان باسقا ۇلتتىق ارنا ەفيرى مەن «قازاق راديوسى» ارقىلى مايداننان جولدانعان حاتتار وقىلىپ, ول تۋرالى اقپارات كورپوراتسيا پورتالىنا شىعادى. «قازاقستان» رەسپۋبليكالىق تەلەراديوكورپوراتسياسى «قازاقستان» ۇلتتىق تەلەارناسىن, «بالاپان» جانە «كAZsport» ارنالارىن, قازاق راديوسىن, «شالقار», «استانا», «Classic» راديولارى مەن ايماقتىق تەلەراديوكومپانيالاردى بىرىكتىرەدى. كورپوراتسيانىڭ رەسمي پورتالى www.kaztrk.kz. كورپوراتسيانىڭ الەۋمەتتىك جەلىلەردەگى پاراقشالارى: facebook.com/Kaztrk.kz, twitter.com/kaztrk_kz, youtube.com/user/NTKKazakhstan «ەگەمەن-اقپارات».