فوتو: ا. بايجۇمانوۆ
پارلامەنت دەپۋتاتتارى باستاماشى بولعان زاڭ سوتتا قورعالۋ قۇقىعىن جۇزەگە اسىرۋدىڭ قۇقىقتىق كەپىلدىكتەرىن كۇشەيتۋگە, ءادىل سوت جۇرگىزۋ ساپاسىن ارتتىرۋعا, سۋديالاردىڭ بىلىكتىلىگى مەن جاۋاپكەرشىلىگىن كۇشەيتۋگە باعىتتالعان. زاڭ قىلمىستىق-پروتسەستىك, ازاماتتىق پروتسەستىك, اكىمشىلىك راسىمدىك-پروتسەستىك كودەكستەرگە جانە باسقا دا زاڭدارعا وزگەرىس ەنگىزۋدى كوزدەيدى.
قۇجاتتا ازاماتتىق جانە قىلمىستىق ءىس جونىندەگى ىستەردى كاسساتسيالىق ينستانتسيادا الدىن الا قاراۋدى الىپ تاستاۋ ۇسىنىلىپ وتىر. كاسساتسيالىق ينستانتسيادا ءىستى الدىن الا قاراۋ الىپ تاستالعان جاعدايدا قىلمىستىق جانە ازاماتتىق ىستەردى كاسساتسيالىق ينستانتسيادا قاراۋ مەرزىمى قايتا قارالىپ, اكىمشىلىك ىستەرگە ۇقساس, بىراق التى ايدان اسپايتىن ۋاقىتقا بەلگىلەنەدى.
زاڭدا 3 كودەكس پەن 6 زاڭدى قوسا العاندا, 9 زاڭنامالىق اكتىگە وزگەرىستەر مەن تولىقتىرۋلار ەنگىزۋ ۇسىنىلعان.
دەپۋتاتتار كەڭەيتىلگەن وتىرىس قورىتىندىسى بويىنشا زاڭدى پالاتاعا قاراۋعا جىبەرۋ تۋرالى شەشىم قابىلدادى.
ايتا كەتەيىك, كاسساتسيالىق ينستانتسيا سوتىنا وبلىس جانە جوعارعى سوت القالارى جاتادى. ولار سوت تەرگەۋىن جۇرگىزبەستەن تەك ءىس قاعازدارى مەن قوسىمشا دالەلدەر جيناۋ ارقىلى تومەنگى سوتتىڭ ءالى زاڭدى كۇشىنە ەنبەگەن شەشىمىنىڭ نەمەسە ۇكىمىنىڭ زاڭدىلىعىن تەكسەرەدى.
