فوتو: stopfake.kz
ەجەلگى تىرشىلىك يەسىنىڭ دەنە ۇزىندىعى 15 مەترگە جەتەدى. ۋفولوگتاردىڭ پىكىرىنشە, قۇبىجىق كول تۇبىندەگى ۇڭگىرلەردە جاسىرىنادى. ال سۋ ايدىنىندا قۇبىجىقتىڭ بارىن قىرىلداعان دىبىستاردان جانە سۋدىڭ شالپىلداعانىنان بايقاۋعا بولادى ەكەن. عالىمداردىڭ ايتۋىنشا, كەلتىرىلگەن مالىمەتتەر شىندىققا جاناسپايدى.
كوككول ءوزىنىڭ ەرەكشە فيزيكالىق قاسيەتتەرىنە بايلانىستى قازاقستاننىڭ انومالدى ايماقتارىنىڭ تىزىمىنە ەنگەن. مۇنداعى سۋ ءاردايىم تازا, بىراق كولگە ەشقانداي وزەن قۇيمايدى, كوككولدىڭ سۋى دا ەشقايدا اقپايدى. تاعى ءبىر ەرەكشەلىگى – سۋدا شۇڭقىرلار جانە ۇزىن جولاقتى تولقىندار پايدا بولادى. بۇل سۋ استىندا ۇزىن اڭ ءجۇزىپ كەلە جاتقانداي اسەر قالدىرادى.
ءارتۇرلى ەلدەردىڭ گيدرولوگتارى كوككولگە كوپتەن بەرى قىزىعۋشىلىق تانىتىپ, زەرتتەۋلەر جۇرگىزىپ, كوككولدىڭ مۇزداقتاردان جانە تاۋ جىنىستارىنىڭ مورەنالىق قىرتىستار قاباتىندا پايدا بولعانىن انىقتادى. مورەنا – گەولوگيالىق شوگىندىلەر. جاي سوزبەن ايتقاندا, ءارتۇرلى سىنىق ماتەريالى. بۇل – ۇلكەن تاستار جانە ۇساق تاستار.
مورەنالاردا كانالدار, شۇڭقىرلار, سۋ استىنداعى ۇڭگىرلەر پايدا بولۋى مۇمكىن. سۋ اۋادا سىڭىرىلگەن كەزدە, وعاش ۋىلدەگەن دىبىستار, شۇڭقىرلار پايدا بولادى.
كوككول – تىلسىم كۇشكە تولى جەر. دەسە دە, وندا قۇبىجىق مەكەندەمەيدى. گيدرولوگ عالىمدار سۋ بەتىندەگى وعاش دىبىستاردى, شۇڭقىرلار مەن تولقىنداردى ونىڭ پايدا بولۋىمەن بايلانىستىرادى.
