فوتو: egemen.kz/ەرلان ومار
ۇكىمەتتىڭ 2001 جىلدىڭ 29 تامىزىنداعى №1127 قاۋلىسىنا سايكەس مەملەكەتتىك قىزمەتشىلەرگە سىياقى تولەۋ, ماتەريالدىق كومەك كورسەتۋ, لاۋازىمدىق ايلىقاقىلارىنا ۇستەمەاقىلار بەلگىلەۋ بيۋدجەت قاراجاتىن ۇنەمدەۋ ەسەبىنەن عانا جۇزەگە اسىرىلادى.
قاۋلىدا ىسساپارلارعا, كوممۋنالدى جانە كولىك قىزمەتتەرىنە, بايلانىس قىزمەتتەرىنە, ءۇي-جايلاردى جالعا الۋعا, وزگەدە شىعىستار بويىنشا ۇنەمدەلگەن قارجىنى سىياقى رەتىندە ۇلەستىرۋگە بولاتىنى ناقتى ايتىلعان.
قارجى مينيسترلىگى وسىعان بايلانىستى زاڭنامالىق اكتىلەرگە وزگەرىس ەنگىزىلمەگەنىن مالىمدەدى. تيىسىنشە مەملەكەتتىك قىزمەتكەرلەرگە سىياقى تولەۋگە ەشقانداي تىيىم سالىنبايتىنى انىق بولدى.
«قارجى مينيسترلىگىنىڭ وسىعان دەيىنگى حابارلاماسىندا ۇكىمەت قاۋلىسىنىڭ نورمالارىن بۇلجىتپاي ۇستانۋ قاجەتتىگى جانە باعدارلاما اكىمشىلەرىنىڭ قىزمەتكەرلەردى جوعارىداعى تىزىمنەن بولەك بيۋدجەتتىك باپتاردان قاراجاتتى سىياقىعا پايدالانۋعا جول بەرمەۋ كەرەكتىگى ايتىلعان بولاتىن.
ينۆەستيتسيالىق جوبالاردى ىسكە اسىرۋدان نەمەسە مەملەكەتتىك اپپاراتتىڭ جۇمىسىنا اسەر ەتپەيتىن ماتەريالدىق اكتيۆتەردى ساتىپ الۋدان ۇنەمدەلگەن قاراجات بيۋدجەتكە قايتارىلۋعا ءتيىس», دەلىنگەن مينيسترلىك حابارلاماسىندا.
