فوتو: اشىق دەرەككوز
جاڭاشىلدىقتارعا موتيۆاتسيالىق ەسسە, ماماندىقتار تىزىمىنە وزگەرتۋلەر ەنگىزۋ جانە سىناقتاردى قايتا تاپسىرۋعا رۇقسات بەرۋ كىرەدى.
العاشقى وزگەرىستەردىڭ ءبىرى «بولاشاق» باعدارلاماسىنا ۇمىتكەرلەردىڭ ستيپەندياعا ءوتىنىش بەرۋ سەبەپتەرىن تۇسىندىرەتىن موتيۆاتسيالىق ەسسەنىڭ ەنگىزىلۋى بولدى.
«ەركىن نىساندا جازىلعان, كولەمى 500 سوزدەن اسپايتىن موتيۆاتسيالىق ەسسە, وندا كانديدات تاڭدالعان جوو — نى جانە ونىڭ وسى سالاداعى ارتىقشىلىقتارىن, ستيپەنديا الۋ قاجەتتىلىگىن جانە تاڭدالعان باعىت بويىنشا الىنعان ءبىلىمنىڭ كۇتىلەتىن ناتيجەلەرىن جانە ولاردى پراكتيكادا ودان ءارى قولدانۋدى نەگىزدەيدى», دەلىنگەن جوبادا.
سونىمەن قاتار مەديتسينالىق انىقتاما بەرۋ قاجەتتىلىگى الىنىپ تاستالادى. سونداي-اق قۇجاتتا ماماندىقتار تىزبەسىنىڭ ورنىنا «باسىمدى باعىت» دەگەن جاڭا ۇعىم ەنگىزىلگەن.
«بۇل مەملەكەتتىڭ الەۋمەتتىك-ەكونوميكالىق دامۋىنداعى باسىمدىقتارىنا نەعۇرلىم ءدال سايكەستىك, سونداي-اق ەل ءۇشىن نەعۇرلىم وزەكتى بولىپ تابىلاتىن نەگىزگى باعىتتارعا نازار اۋدارۋدى كۇشەيتۋ ماقساتىندا جاسالادى. باعىتتاردى تاڭداۋدىڭ جاڭا تەتىگىن ومو ۇسىنىمدارى نەگىزىندە رەسپۋبليكالىق كوميسسيا جانە جۇمىس ورگانى بەكىتەتىن بولادى. بۇل رەسۋرستاردى ينجەنەرلىك جانە تەحنيكالىق عىلىمدار, مەديتسينا, الەۋمەتتىك عىلىمدار, سۋ جانە جەر رەسۋرستارى جانە ت.ب. سياقتى مەملەكەت ءۇشىن ستراتەگيالىق ماڭىزى بار باعىتتارعا شوعىرلاندىرۋعا مۇمكىندىك بەرەدى», دەلىنگەن قۇجاتتا.
سونىمەن قاتار ماگيستراتۋرا, دوكتورانتۋرا جانە PhD دوكتورانتۋراسىنا Split PhD دارەجەسىن قوسۋ, سونداي-اق ماگيستراتۋراعا دەيىنگى دايىندىقتى الىپ تاستاۋ ۇسىنىلادى.
«بولاشاق» باعدارلاماسىنداعى باستى وزگەرىس - تۇلەكتەرگە شەتەلدە جۇمىس ىستەۋگە مۇمكىندىك بەرىلۋى مۇمكىن.
