فوتو: clrt.kz
LRT پويىزدارى تولىعىمەن اۆتوماتتاندىرىلىپ, پيلوتسىز باسقارىلادى.
سوندىقتان, وپەراتورلارعا مىناداي مىندەتتەر قويىلادى:
- جولاۋشىلاردىڭ قاۋىپسىزدىگىن جانە پويىزدىڭ تەحنيكالىق جاعدايىن, بارلىق قاۋىپسىزدىك نورمالارىنىڭ ساقتالۋىن قاداعالاۋ;
- اۆتوماتتاندىرىلعان باسقارۋ جۇيەسىنىڭ جۇمىسىن ۇزدىكسىز باقىلاۋ, اقاۋلاردى انىقتاۋ جانە جويۋ;
- ۆاگوندارداعى ەلەكترلى جىلىتۋ مەن جەلدەتۋدى ساقتاۋ, جولاۋشىلاردى وتىرعىزىپ, ءتۇسىرۋ ءتارتىبىن رەتتەۋ, جىلجىمالى قۇرامنىڭ ۇزدىكسىز جۇمىسىن قامتاماسىز ەتۋ بويىنشا باسقا دا جۇمىستاردى اتقارۋ.
كومپانيا ءوز تاراپىنان قر ەڭبەك كودەكسىنە سايكەس رەسمي جۇمىسقا ورنالاستىرۋعا مۇددەلى بولادى.
جۇمىس بەرۋشىنىڭ ەسەبىنەن بىلىكتىلىكتى ارتتىرۋ, وقىتۋ كۋرستارى وتەدى. وقىتۋ ناتيجەسىندە LRT-نى باسقارۋ رۇقساتىن كۋالاندىراتىن حالىقارالىق ۇلگىدەگى سەرتيفيكات بەرىلەدى.
«وقۋ مەرزىمى 1 جىلعا دەيىن. وقىتۋ استانا ق./قحر جۇمىس بەرۋشىنىڭ ەسەبىنەن جۇرگىزىلەدى. قىزمەتكەرلەر قازاقستان رەسپۋبليكاسىنىڭ ازاماتتارىنان قۇرالادى.
ماقسات – مامانداندىرىلعان كومپانيانى جۇمىسقا تارتپاي LRT جۇيەلەرىن پايدالانۋ, تەحنيكالىق قىزمەت كورسەتۋ جانە جوندەۋ داعدىلارىن ۇيرەتۋ (اعىمداعى جانە كۇردەلى جوندەۋ)», دەلىنگەن كومپانيا حابارلاماسىندا.
ۇمىتكەرلەرگە لوكوموتيۆ ءماشينيسى لاۋازىمىندا كەمىندە 3 جىل, لوكوموتيۆ ءماشينيسىنىڭ كومەكشىسى رەتىندە كەمىندە 5 جىل تەمىر جول كولىگى سالاسىنداعى جوعارى ءبىلىمى مەن جۇمىس تاجىريبەسى بولۋى كەرەك دەگەن تالاپ قويىلىپ وتىر.
تۇيىندەمە CTS رەسمي سايتى https://cts.gov.kz/ru ارقىلى قابىلدانادى.
سۇراقتار بويىنشا تەلەفون ءنومىرى: استانا ق. +7 (7172) 577 177 (ىشكى 102)
