فوتو: ەرلان ومار
باس ديرەكتوردىڭ ءبىرىنشى ورىنباسارى قىزمەتىنە بەلگىلى جۋرناليست ۆيكتور پريانيكوۆ تاعايىندالدى.
«ۆيكتور ۆالەريانوۆيچ – اقپارات سالاسىندا ءبىراز جىل قاجىرلى ەڭبەك ەتىپ, مول تاجىريبە جيناقتاعان بىلىكتى قىزمەتكەر. گازەت ءىسىنىڭ قىر-سىرىن جاقسى مەڭگەرگەن ازامات. ەڭبەك وتىلىندە «كازاحستانسكايا پراۆدا» ۇجىمىنا دا الابوتەندىگى جوق. ەڭ باستىسى قاتارداعى تىلشىلەردىڭ جۇمىسىنىڭ اۋانىمەن, ونىڭ اتقارىلۋ ۇدەرىسىمەن ءجىتى تانىس مامان», دەدى ق.ىسقاقوۆ.
سونداي-اق باس ديرەكتوردىڭ ورىنباسارى قىزمەتىنە ايگۇل بايحانوۆا تاعايىندالدى. ۆيتسە-مينيستر جاڭا قىزمەتكەرگە ۇلكەن جاۋاپكەرشىلىك ارتىلىپ وتىرعانىن ايتىپ, سەرىكتەستىك جۇمىسىندا قارجىلىق ءتارتىپ, قىزمەتكەرلەردىڭ ەڭبەك قۇقى مەن ولاردىڭ ءتيىستى دەڭگەيدە ماتەريالدىق قامتاماسىز ەتىلۋىنە باستى نازار اۋدارۋ كەرەكتىگىن جەتكىزدى.
ءوز كەزەگىندە باس ديرەكتور ديحان قامزابەك ۇلى مادەنيەت جانە اقپارات مينيسترلىگى مەن سەرىكتەستىكتىڭ بىرلەسە وتىرىپ جاساعان وسى كادرلىق تاعايىنداۋلارى گازەت جۇمىسىنىڭ ساپاسىنا وڭ ىقپال تيگىزەتىنە سەنىم ءبىلدىردى.
