كحدر ليدەرى تۇڭعىش رەت حالىقارالىق قاۋىمداستىق الدىندا ءسوز سويلەيدى

استانا. 29 قاڭتار. سولتۇستىك كورەيا كوشباسشىسى كيم چەن ىن 24 ساۋىردە يندونەزيادا وتەتىن ازيا جانە افريكا ەلدەرىنىڭ كونفەرەنتسياسىنا قاتىسادى. بۇل تۋرالى «The Chosun Ilbo» باسىلىمىنا سىلتەمە جاساعان nur.kz حابارلادى. «كيم چەن ىنگە باندۋنگ كونفەرەنتسياسىنىڭ 60 جىلدىعىنا وراي وتكىزىلەتىن جيىنعا قاتىسۋ ماڭىزدى», – دەپ سانايدى ساراپشىلار. سەبەبى, 1965 جىلى ءدال وسى كونفەرەنتسيانىڭ 10 جىلدىعىنا وراي وتكىزىلگەن جيىنعا سولتۇستىك كورەيا مەملەكەتىنىڭ نەگىزىن قالاۋشى كيم ير سەن قاتىسقان بولاتىن. باندۋنگ كونفەرەنتسياسى العاش رەت 1955 جىلى ءوتتى. ول كەزدە كورەي حالىقتىق دەموكراتيالىق رەسپۋبليكاسى حالىقارالىق جيىنعا جىبەرىلمەگەن-ءدى. سونىمەن قاتار, سولتۇستىك كورەيا ليدەرى رەسەيگە باراتىنىن دا راستادى. ول جەڭىستىڭ 70 جىلدىعىنا وراي وتەتىن سالتاناتتى شاراعا قاتىسپاقشى. ايدار ورىسباەۆ. دەرەك: nur.kz. سۋرەت: dni.ru.