فوتو: primeminister.kz
ۇكىمەتتىڭ ءباسپاسوز قىزمەتى كەزدەسۋ بارىسىندا تاراپتار كومىر حيمياسى سالاسىنداعى ىنتىماقتاستىقتىڭ كەلەشەگىن جانە قازاقستاندا ينۆەستيتسيالىق جوبالاردى ىسكە اسىرۋ مۇمكىندىكتەرىن تالقىلاعانىن ءمالىم ەتتى.
«China Energy Investment Corporation» وندىرىستىك قۋاتى جىلىنا 650 ملن توننا بولاتىن 97 كومىر شاحتاسىن باسقارادى جانە الەمدىك نارىقتا جەتەكشى ورىن الادى. بۇگىنگى تاڭدا كومپانيانىڭ شەتەلدىك اكتيۆتەرى قىتاي, وڭتۇستىك افريكا, اۆستراليا, يندونەزيا, گرەتسيا جانە گەرمانيادا ورنالاسقان.
قىتاي تاراپىن باستاپ كەلگەن يان گوچۋن مىرزا, CHN Energy Investment Corporation Group Co. Ltd, كومپانياسىنىڭ باس ديرەكتورىنىڭ ورىنباسارى قازاقستان اۋماعىندا كومىر-حيميا ءوندىرىسىن دامىتۋعا جوعارى قىزىعۋشىلىق تانىتتى.
بۇل ءوز كەزەگىندە ەلدىڭ ەكونوميكالىق الەۋەتىن كەڭەيتۋدەگى ماڭىزدى قادام بولىپ, وڭدەۋ ونەركاسىبى سالاسىندا قىتايمەن ەكىجاقتى قاتىناستاردى نىعايتۋعا ىقپال ەتەدى.
