وڭتۇستىك قازاقستاندا تۋرا مەكتەپتە وقۋشى ءولتىرىلدى

استانا. 29 قاڭتار. قاڭتاردىڭ 28-ءى كۇنى وڭتۇستىك قازاقستان وبلىسى شاردارا اۋدانىنداعى مەكتەپتەردىڭ بىرىندە قايعىلى وقيعا ورىن الدى. بۇل تۋرالى Times.kz اگەنتتىگى حابارلادى. مەكتەپ وقۋشىسىنىڭ ءولىمى تۋرا وقۋ ورنى عيماراتىنىڭ ىشىندە ورىن العان. ساعات 11 شاماسىندا ءۇشىنشى قاباتتا 10-سىنىپ وقۋشىسى 9-سىنىپتا وقيتىن بالامەن ۇستاسىپ قالادى. بۇلاردىڭ سوڭعىسى مەكتەپكە وزىمەن بىرگە پىشاق الا كەلگەن ەكەن. ول توبەلەس كەزىندە سونى قالتاسىنان شىعارىپ, قارسىلاسىنا بىرنەشە سوققى بەرەدى. «ونىنشى سىنىپ وقۋشىسى العان جاراقاتىنان قايتىس بولدى, توعىزىنشى سىنىپ وقۋشىسىن پوليتسيا الىپ كەتتى», - دەپ جازادى باسىلىم. قازىر بولعان وقيعانىڭ بارلىق سەبەپ-سالدارلارى تەكسەرىلىپ جاتىر. وڭتۇستىك قازاقستان وبلىسىندا مەكتەپ وقۋشىسىن ءولتىرۋدىڭ قايعىلى جاعدايى 2014 جىلعى قاراشا ايىندا ورىن العان ەدى. سول جولى سارىاعاش اۋدانىنداعى جىبەك جولى اۋىلىندا توبەلەس كەزىندە ىشىنە مىلتىقتىڭ وعى تيگەن ءجاسوسپىرىم ءجانتاسىلىم ەتكەن بولاتىن. كەيىنىرەك كىنالىلەر ۇستالىپ, قاماۋعا الىندى. قۇرىش نۇرىمبەت. دەرەك, سۋرەت: Times.kz.