وتىرىسقا كونسۋلتاتيۆتىك-ساراپتامالىق توپتىڭ مۇشەلەرى و. ح. قۇسپەكوۆ,
ە. ل. وستەمىروۆ, د. ن. سماگۋلوۆ, ج. ە. بىركەنوۆ, م. ي. ۋتەشوۆ, سونداي-اق ورتالىق مەملەكەتتىك جانە جەرگىلىكتى اتقارۋشى ورگانداردىڭ, «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق, «ۇلتتىق اقپاراتتىق تەحنولوگيالار» اق-نىڭ وكىلدەرى قاتىستى.
وندا مەملەكەتتىك كورسەتىلەتىن قىزمەتتەردىڭ ساپاسى, سونىمەن قاتار جەر قاتىناستارى سالاسىندا كورسەتىلەتىن قىزمەتتەردى وڭتايلاندىرۋ ماسەلەلەرى قارالدى.
اگەنتتىك توراعاسى دارحان جازىقباي بيۋروكراتيا مەملەكەتتىك اپپارات قىزمەتىنىڭ جۇمىسىن قيىنداتاتىن جانە ونىڭ تيىمدىلىگىن تومەندەتەتىن نەگىزگى فاكتورلاردىڭ ءبىرى ەكەندىگىنە توقتالدى.
«مەملەكەت باسشىسى «بيۋروكراتيا – بارلىق رەفورمالاردىڭ ساپاسىز بولىپ ىسكە اسۋىنىڭ باستى سەبەبى» دەپ اتاپ كورسەتكەن بولاتىن. قۇجات راسىمدەۋدىڭ ۇزاقتىعى, ارتىق قۇجات اينالىمى, فورمالدىلىق – ازاماتتار مەن كاسىپكەرلەرگە قيىندىق تۋعىزادى. سوندىقتان مەملەكەتتىك كورسەتىلەتىن قىزمەتتەردى ۇسىنۋدا اشىقتىققا, جەدەلدىك پەن ساپاعا ءمان بەرۋ قاجەت», دەدى دارحان جازىقباي.
مەملەكەت باسشىسى 2022 جىلعى ساۋىردە مەملەكەتتىك اپپارات قىزمەتىن بيۋروكراتيادان ارىلتۋ تۋرالى جارلىققا قول قويعان ساتتەن باستاپ اگەنتتىك بيۋروكراتيالىق كەدەرگىلەردى جويۋ بويىنشا اۋقىمدى ءىس-شارالار جۇرگىزدى. 2 جىل ىشىندە مەملەكەتتىك ورگانداردىڭ 4 مىڭنان استام فۋنكتسيالارى تالداندى.
مقىا توراعاسى دارحان جازىقباي مەملەكەتتىك اپپارات قىزمەتىنىڭ تيىمدىلىگىن ارتتىرۋ ءۇشىن كەشەندى شارالار جۇزەگە اسىرىلىپ جاتقانىن اتاپ ءوتتى.
بىرىنشىدەن, مەملەكەتتىك ورگانداردىڭ قۇرىلىمىن وڭتايلاندىرۋ بويىنشا 140-قا جۋىق, فۋنكتسيالارىن تالداۋ ناتيجەسىندە, قايتالاناتىن مىندەتتەرىن الىپ تاستاۋ, كەيبىر فۋنكتسيالاردى باسەكەلەستىك ورتاعا بەرۋ جانە ورتالىقسىزداندىرۋعا قاتىستى 200-دەن استام ۇسىنىس ازىرلەندى.
ماسەلەن, دەنساۋلىق ساقتاۋ مينيسترلىگىنە جۇرگىزىلگەن تالداۋ اياسىندا ەكى دەپارتامەنت باسقارما بولىپ قايتا قۇرىلىپ, بۇل جىلىنا 8,5 ملن. تەڭگەنى ۇنەمدەۋگە مۇمكىندىك بەرسە, ال اۋىلدىق دارىگەرلەرگە ۋاقىتشا ەڭبەككە جارامسىزدىق پاراعىنا قول قويۋ قۇقىعىن بەرۋ شامامەن 1 ملن اۋىل تۇرعىنىن اۋدان ورتالىقتارىنا بارۋ قاجەتتىلىگىنەن بوساتتى.
ەكىنشىدەن, پروتسەسستەردى تسيفرلاندىرۋ, ونلاين پلاتفورمالاردى پايدالانۋ ارقىلى كوپتەگەن اقپاراتتىق جۇيەلەردى ىقپالداستىرۋ, قاجەتسىز قۇجاتتاردى جويۋ ارقىلى راسىمدەردى جەڭىلدەتۋ بويىنشا 170-تەن استام ۇسىنىس ۋاكىلەتتى ورگاندارعا ەنگىزىلدى.
ۇشىنشىدەن, بيۋروكراتيا مەن قاعازباستىلىق كورىنىستەرىنە اسەر ەتەتىن نورماتيۆتىك قۇقىقتىق اكتىلەردەگى ولقىلىقتار مەن قايشىلىقتاردى زەردەلەۋ ناتيجەسىندە 60-قا جۋىق ۇسىنىس ازىرلەنىپ, ولار ءتيىستى مەملەكەتتىك ورگاندارعا جىبەرىلدى.
جالپى بيۋروكراتيالىق كەدەرگىلەردى تالداۋ جانە مونيتورينگتەۋ ناتيجەسىندە اگەنتتىك پرەزيدەنت اكىمشىلىگى مەن ۇكىمەت اپپاراتىنا 715 ۇسىنىس ەنگىزدى. بۇگىنگى تاڭدا 100-دەن اسا ۇسىنىس مەملەكەتتىك ورگاندار تاراپىنان ورىندالدى. قالعانىن زاڭنامالىق وزگەرىستەردى ەنگىزۋ ارقىلى ورىنداۋ كوزدەلىپ وتىر.
قازىرگى ۋاقىتتا ەنەرگەتيكا, سۋ رەسۋرستارى جانە يرريگاتسيا مينيسترلىكتەرىندە, سونداي-اق توتەنشە جاعدايلار مينيسترلىگىندە بيۋروكراتيادان ارىلتۋ بويىنشا تالداۋ جۇرگىزىلىپ جاتىر.
اگەنتتىك باستاماسىمەن «ە-ليتسەنزيالاۋ» اقپاراتتىق جۇيەسىنە قول جەتكىزۋ ارقىلى ازاماتتاردىڭ قۇقىقتارىنىڭ بۇزىلۋىن انىقتاۋعا جانە ءتيىستى شاعىمداردى كۇتپەي-اق ولاردىڭ قۇقىقتارىن قالپىنا كەلتىرۋگە باعىتتالعان قاشىقتىقتان مونيتورينگ جۇرگىزۋ جاڭا ءتاسىلى تاجىريبەگە ەنگىزىلدى.
وسىلايشا, بيىل وسى اقپاراتتىق جۇيەدە جۇرگىزىلگەن قاشىقتىقتان مونيتورينگ ناتيجەسىندە 15 مىڭنان استام بۇزۋشىلىق انىقتالىپ, كورسەتىلەتىن قىزمەتتى بەرۋشىنىڭ 180 قىزمەتكەرى اكىمشىلىك جانە 161 تارتىپتىك جاۋاپكەرشىلىككە تارتىلدى, 536 قىزمەت الۋشىنىڭ قۇقىقتارى قالپىنا كەلتىرىلدى.
ستاتيستيكاعا سايكەس, 2024 جىلدىڭ 9 ايىندا مەملەكەتتىك قىزمەت كورسەتۋ كەزىندە 85 مىڭنان استام بۇزۋشىلىق انىقتالدى, ونىڭ 82% - ى جەرگىلىكتى اتقارۋشى ورگاندارعا, 18% -ى ورتالىق مەملەكەتتىك ورگاندار مەن ولاردىڭ اۋماقتىق بولىمشەلەرىنە تيەسىلى.
وتىرىس بارىسىندا جەر قاتىناستارى سالاسىندا كورسەتىلەتىن مەملەكەتتىك قىزمەتتەرگە قاتىستى ماسەلەلەر تالقىلاندى.
كونسۋلتاتيۆتىك-ساراپتامالىق توپ وتىرىسىنىڭ قورىتىندىسى بويىنشا ورتالىق جانە جەرگىلىكتى اتقارۋشى ورگاندارعا مەملەكەتتىك اپپارات قىزمەتىن بيۋروكراتيادان ارىلتۋ جانە مەملەكەتتىك قىزمەتتەر كورسەتۋ ساپاسىن ارتتىرۋ جۇمىستارىن جالعاستىرۋ ۇسىنىلدى.
