فوتو: تۋريزم جانە سپورت مينيسترلىگى ءباسپاسوز قىزمەتى
تۋريزم جانە سپورت ءمينيسترى ەربول مىرزابوسىنوۆ ءتۋرنيردىڭ فينالدىق جەكپە-جەكتەرىن تاماشالاپ, جەڭىمپازداردى ماراپاتتادى.
«مۇنداي تۋرنيرلەر قىزمەتكەرلەردىڭ فيزيكالىق شەبەرلىگىن شىڭداپ قانا قويماي, باتىل ءارى مىقتى بولۋعا تاربيەلەيدى. بۇل, ءوز كەزەگىندە, دەنى ساۋ ۇلت قالىپتاستىرۋدا جانە قىزمەتكەرلەر اراسىندا سپورتتى ناسيحاتتاۋدا ماڭىزدى قادام. سپورت ادامداردى ۇيىمشىلدىققا ۇيىستىرىپ, ءتارتىپتى دارىپتەيدى. ءتارتىپ – تابىستى قىزمەت پەن بەرەكەلى ءومىردىڭ كەپىلى», دەدى مينيستر ەربول مىرزابوسىنوۆ.
تۋرنيرگە ۇلتتىق قاۋىپسىزدىك كوميتەتى, مەملەكەتتىك كۇزەت قىزمەتى, باس پروكۋراتۋرا, قارجىلىق مونيتورينگ اگەنتتىگى, ىشكى ىستەر, توتەنشە جاعدايلار جانە قورعانىس مينيسترلىگىنىڭ كوماندالارى قاتىستى.
جارىس ەلورداداعى جاقسىلىق ۇشكەمپىروۆ اتىنداعى جەكپە-جەك سارايىندا وليمپيادالىق جۇيە بويىنشا ۇيىمداستىرىلدى. تۋرنير جەڭىمپازدارى مەن جۇلدەگەرلەرى كۋبوك جانە مەدالمەن ماراپاتتالدى.
