فوتو: gov.kz
بۇل تۋرالى بۇگىن وتكەن بريفينگتە ادىلەت مينيسترلىگىنىڭ رەسمي وكىلى تالعات ءۋالي باياندادى.
گەوگرافيالىق نۇسقامالار بەلگىلى ءبىر ايماقتان شىققان جانە ورنالاسقان جەرىنە بايلانىستى بىرەگەي قاسيەتتەرگە نەمەسە ساپاعا يە, اۋىلشارۋاشىلىق, ازىق-ت ۇلىك, قولونەر مەن ونەركاسىپ ونىمدەرىن انىقتاۋ ءۇشىن پايدالانىلاتىن جانە تابيعاتى مەن مادەنيەتى, تاريحى مەن شىققان جەرىنە تىعىز بايلانىسى بار ءونىم.
وتكەن جىلى الماتىنىڭ اپورتىنا وسىنداي ستاتۋس بەرىلگەن ەدى. ونىمدەرگە وسىنداي مارتەبە بەرىپ, گەوگرافيالىق نۇسقامانى تىركەۋ ارتۇرلى ايماقتا وندىرىلەتىن تاۋارلاردىڭ ۇلتتىق برەند رەتىندە دامۋىنا, سونداي-اق ولاردىڭ الەمدىك نارىقتا تانىلۋىن, ينۆەستيتسيالىق تارتىمدىلىعىن ارتتىرۋعا جانە تۋريستىك يندۋستريانى دامىتۋعا ىقپال ەتەدى.
«قازاقستاننىڭ ءاربىر وڭىرىندە گەوگرافيالىق نۇسقاما رەتىندە تىركەلۋ مۇمكىندىگى جوعارى ونىمدەر بار. مىسالى, قازاقستاندىق تارى, قىزىلوردالىق «ارال تۇزى», شىعىس قازاقستاننىڭ تابيعي بالى جانە باسقا دا ونىمدەر گەوگرافيالىق نۇسقاما رەتىندە تىركەلۋى مۇمكىن», دەدى ت.ءۋالي.
ونىڭ ايتۋىنشا, بۇگىنگە دەيىن 19 گەوگرافيالىق نۇسقاما رەسمي تىركەلگەن. ولاردىڭ ىشىندە
- الماتى اپورتى
- تالعار المۇرتى
- نارىنقول كارتوبى
- باقاناس كۇرىشى
- «كوكشەتاۋ» بالمۇزداعى
- «كوكشەتاۋ» مايى
- بۋراباي بالى
- قاراعاندى بالمۇزداعى
- قاراعاندى برويلەرى
- قوستاناي بالى
- تۇيە سۇتىنەن جاسالعان «ارال» سابىنى
- «ارال» جانتاق سابىنى
- قىزىلوردا تۇزى
- «قازالى» كامپيتى
- «قازالى» سابىنى
- سايرام نانى
- TURKISTAN شوكولادى
- TURKISTAN بالمۇزداعى
- چاچا سۋسىنى بار.
ال بۇگىندە ادىلەت ءمينيسترى ازامات ەسقاراۆتىڭ باقىلاۋىندا تىركەلەۋگە جىبەرىلگەن 109 ءوتىنىش بار.
