اتىراۋدا ۇستالعان قىتايلار ەلدەن قۋىلدى

اتىراۋ. 29 قاڭتار. اتىراۋ وبلىسىندا ىشكى ىستەر ورگاندارىنا تىركەلمەي, كوشى-قون زاڭدىلىعىن بۇزعان قىتاي ازاماتتارى ەل اۋماعىنان شىعارىلاتىن بولدى. بۇل تۋرالى egemen.kz ءتىلشىسى حابارلادى. بۇعان دەيىن اتىراۋدا قالالىق ىشكى ىستەر باسقارماسى مەن پروكۋروراتۋرانىڭ بىرلەسكەن رەيدى كەزىندە قىتاي ازاماتتارىنىڭ ۇستالعانىن حابارلاعان ەدىك. بەلگىلى بولعانىنداي, قىتايلىق 38 ادام قازاقستانعا «ىسكەرلىك» ۆيزاسىمەن «ۆسپ» سەرىكتەستىگىنە كەڭەس بەرۋ قىزمەتىن كورسەتۋ ءۇشىن كەلىپتى. الايدا, اتىراۋعا كەلگەننەن كەيىن شەتەلدىكتەر بەلگىلەنگەن زاڭعا سايكەس ىشكى ىستەر ورگانىنا ۋاقىتشا تىركەۋگە تۇرماعان. ءسويتىپ, قازاقستان رەسپۋبليكاسىنا كەلۋ زاڭدىلىعىن بۇزعان قىتاي ازاماتتارىنا قاتىستى اكىمشىلىك حاتتاما تولتىرىلىپ, سوتقا جولدانعان بولاتىن. «سوتتا قىتاي حالىق رەسپۋبليكاسىنىڭ 38 ازاماتى وزدەرىنىڭ كىنالارىن تولىقتاي مويىندادى. ەندى ولار مامانداندىرىلعان اكىمشىلىك سوتتىڭ قاۋلىسىنا سايكەس 5 تاۋلىكتىڭ ىشىندە قازاقستان رەسپۋبليكاسىنىڭ اۋماعىنان شىعىپ كەتۋلەرى ءتيىس» دەپ مالىمدەدى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. سۋرەت: alashainasy.kz.