جوعارى ءبىلىم سالاسىنداعى تسيفرلى ترانسفورماتسيا

شيكىزاتتىق ەكونوميكادان قوسىلعان قۇن وندىرىسىنە كوشۋ جانە COVID-19 پاندەمياسىنان تۋىنداعان قيىندىقتار كەزىندە ەلىمىزدە ءبىلىم بەرۋ ءتاسىلىن قايتا قاراۋ ماڭىزدى بولدى.

تسيفرلىق داعدىلارى بار بىلىكتى جۇمىس كۇشىنە دەگەن سۇرا­نىستىڭ ارتۋى جوعارى ءبىلىم بەرۋدى رەفورمالاۋ قاجەتتىگىن كورسەتەدى. Tableau ەسەبىنە سايكەس, 2025 جىلعا قاراي جۇ­مىس­شىلاردىڭ 70%-ى ءوز قىز­مەتىندە دەرەكتەردى بەلسەندى تۇردە پايدالانادى, بۇل ەلىمىز­دىڭ ستۋدەنتتەردى تىلدىك كەدەرگى­لەر, داعدىلاردىڭ سايكەسسىزدىگى, شەكتەۋلى حالىق­ارالىق تاجىريبە, تەحنولوگيالىق ينتەگراتسيانى قوسا العاندا, زاماناۋي سىن-قاتەرلەرگە دايىن­داۋداعى كۇش-جىگەرىنىڭ وزەكتىلىگىن راستايدى.

عىلىم جانە جوعارى ءبىلىم ءمينيسترى ساياسات نۇربەك اتاپ وتكەندەي, قوسىلعان قۇن وندىرىسىنە كوشۋگە ەلىمىزگە بىلىكتى جۇمىس كۇشى قاجەت.

وسىعان بايلانىستى 2022 جىل­عى قىركۇيەكتە پرەزي­دەنت قاسىم-جومارت توقاەۆ Coursera باس ديرەكتورى دجەفف ماگدجيونكالدامەن ىنتى­­ماق­تاستىق مۇمكىندىكتەرىن تالقى­لادى. ناتيجەسىندە, عىلىم جانە جوعارى ءبىلىم مينيسترلىگى Coursera سەرىكتەسى بولدى, بۇل كيبەر­­قاۋىپسىزدىك جانە باعدارلا­مالاۋ سياقتى سۇرانىسقا يە سالالاردا ستۋدەنتتەر دايارلاۋ ءۇشىن كاسىبي سەرتيفيكاتتار مەن كۋرس­تاردى ەنگىزۋگە مۇمكىندىك بەردى.

اتالعان ىنتىماقتاس­تىق اياسىندا ستۋدەنتتەردى كيبەر­قاۋىپسىزدىك, جوبالاردى باسقارۋ, UX ديزاينى جانە باعدار­لامالىق جاساقتاما سالاسىنداعى مانساپقا دايارلاۋ ءۇشىن كاسىبي سەرتيفيكاتتار, كۋرس­تار مەن ماماندىقتار ەنگىزىلدى.

جوبا باستاپقىدا 25 ۋنيۆەر­سيتەتتى قامتىسا, ءبىر جىل ىشىندە 93 جوعارى وقۋ ورنىنا دەيىن كەڭەيدى. Coursera كۋرستارى ستۋدەنتتەرگە ارالاس وقىتۋ مەن ءوز بەتىنشە قاتىسا الاتىن كۋرستار ۇسىنا وتىرىپ, وقۋ جوسپارلارىنا بىرىكتىرىلە باستادى.

2023 جىلى Coursera-نىڭ تاۋەلسىز 853 كۋرسى 116 ۋنيۆەرسيتەت ءپانىن الماستىردى, ال 3244 كۋرس 1631 پانگە ءىشىنارا بىرىكتىرىلدى. تەك 2023 جىلى 46 مىڭنان اسا وقۋشى ءتۇرلى ماماندىق بو­يىنشا 73 مىڭ سەرتيفيكات الدى.

«بۇل كۇش-جىگەر ەلىمىزدىڭ ءبىلىم بەرۋ جۇيەسىن جاڭعىرتىپ قانا قويمايدى. ءبىز ستۋدەنتتەرىمىزدىڭ جاھاندانعان تسيفرلى الەمدە تابىسقا جەتۋگە دايىن ەكەنى­نە كوز جەتكىزگىمىز كەلەدى. بۇل ەلىمىزدەگى ءبىلىم بەرۋدىڭ بولاشاعى جانە ءبىز وسى جولدا كوشباسشى بولۋعا ۇمتىلامىز», دەدى س.نۇربەك.

قازاقستاننىڭ بىلىكتىلىكتى ارتتىرۋ باعدارلاماسى پروفەسسور-وقىتۋشىلار قۇرامى اراسىندا دا قىزىعۋشىلىق تۋدىرىپ وتىر. بۇل باعىتتا 300-دەن اسا وقىتۋشى ءوز كۋرستارىن ازىرلەي باستادى. وقۋ ۇدەرىسىنە جاساندى ينتەللەكت تەحنولوگيالارىن ەنگىزۋ مازمۇندى جەرگىلىكتى جاع­داي­لارعا بەيىمدەۋ ءۇشىن جاڭا مۇمكىندىكتەر جاسايدى.

قورىتىندىلاي كەلە, جو­عارى ءبىلىم بەرۋدى تسيفرلىق ترانسفورماتسيالاۋ جونىن­دەگى قازاقستان باستاماسى ۇكىمەتتىڭ, ءبىلىم بەرۋ مەكەمەلەرى مەن بيزنەستىڭ بىرلەسكەن كۇش-جى­گەرى ارقىلى بولاشاقتىڭ سىن-تەگەۋرىندەرىنە دايىن جۇمىس كۇشىن قالىپتاستىرۋ مۇمكىندىگىن كورسەتەدى.