وڭتۇستىك قازاقستاندا باسقارما باسشىسى تاعايىندالدى

استانا. 29 قاڭتار. وڭتۇستىك قازاقستان ءوڭىرىنىڭ اكىمى اسقار مىرزاحمەتوۆتىڭ وكىمىمەن وراشوۆ كۇمىسبەك ءاشىرباي ۇلى وبلىستىق قۇرىلىس باسقارماسىنىڭ باسشىسى بولىپ تاعايىندالدى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. ك.وراشوۆ 1964 جىلى تۋعان. ءبىلىمى جوعارى. ماماندىعى – ينجەنەر-مەحانيك. ەڭبەك جولىن ۆ.ي.لەنين اتىنداعى ۋليانوۆسك (رەسەي) كولىك زاۋىتىنىڭ ءىىى رازريادتى سلەسارى بولىپ باستاعان. 1985-1995 جىلدارى ارالىعىندا №3 شىمكەنت كولىك كومبيناتىنىڭ ءىى رازريادتى سلەسارى, لەنگىر قالاسى جۇرگىزۋشىلەر دايىندايتىن مەكەمەسىنىڭ مۇعالىمى, سايرام اۋدانى «كوممۋنيزم» كولحوزى اۆتوپاركىنىڭ مەحانيگى, شىمكەنت مۇناي قويماسىنىڭ ءىى رازريادتى وپەراتورى بولعان. سونداي-اق, ول ءار جىلداردا «كوكتەم» جشس جانار-جاعارماي بەكەتىنىڭ ءىى رازريادتى وپەراتورى, «يدەال» جشس اۋىسىم باستىعى, كوممەرتسيالىق ديرەكتورى, «ستروي-سەرۆيس-7» جشس ديرەكتورى, وڭتۇستىك قازاقستان وبلىسى سايرام اۋدانى ءماسليحاتىنىڭ حاتشىسى, وڭتۇستىك قازاقستان وبلىسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى قىزمەتتەرىن اتقارعان. ال 2015 جىلعى قاڭتاردان باستاپ وبلىستىق تۇرعىن ءۇي-كوممۋنالدىق شارۋاشىلىق جانە جولاۋشىلار كولىگى باسقارماسى باسشىسىنىڭ ورىنباسارى بولىپ ەڭبەك ەتىپ كەلگەن. جولدىباي بازار. دەرەك, سۋرەت: وڭتۇستىك قازاقستان وبلىستىق اكىمدىگىنىڭ ءباسپاسوز قىزمەتى.