پرەزيدەنت نۇرسۇلتان نازارباەۆ قازاقستان حالقىنا انت بەردى

استانا. 29 ءساۋىر. بۇگىن استاناداعى تاۋەلسىزدىك سارايىندا قايتا سايلانعان قازاقستان پرەزيدەنتى نۇرسۇلتان نازارباەۆتى ۇلىقتاۋ ءراسىمى ءوتتى. وندا ەلباسى قازاقستان حالقىنا انت بەردى. بۇل تۋرالى «قازاقپارات» حابارلادى. ۇلىقتاۋ ءراسىمى وتەتىن سالتاناتتى زالعا الدىمەن قازاقستان رەسپۋبليكاسىنىڭ تۋى, شتاندارتى جانە كونستيتۋتسياسى اكەلىندى. بۇدان كەيىن ەلباسى اقوردادان شىققان ساتىنەن باستاپ, تاۋەلسىزدىك سارايىنا دەيىن ارنايى سالتاناتتى كورتەجبەن ءجۇرىپ ءوتتى. سونىمەن قاتار, زاڭعا سايكەس, رەسپۋبليكا پرەزيدەنتi نۇرسۇلتان نازارباەۆ كونستيتۋتسياعا قولىن قويىپ تۇرىپ: «قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ كونستيتۋتسياسى مەن زاڭدارىن قاتاڭ ساقتاۋعا, ازاماتتاردىڭ قۇقىقتارى مەن بوستاندىقتارىنا كەپiلدiك بەرۋگە, قازاقستان رەسپۋبليكاسى پرەزيدەنتiنiڭ وزiمە جۇكتەلگەن مارتەبەلi مiندەتiن ادال اتقارۋعا سالتاناتتى تۇردە انت ەتەمiن», – دەپ حالىققا انت بەردى. وسى ساتتەن باستاپ پرەزيدەنت رەسمي قىزمەتiنە كiرiسكەن بولىپ سانالادى. رەسپۋبليكا پرەزيدەنتi انتتىڭ ءماتiنiن مەملەكەتتiك تiلدە ايتتى. انت بەرۋ سالتاناتتى جاعدايدا پارلامەنت دەپۋتاتتارىنىڭ, كونستيتۋتسيالىق كەڭەس مۇشەلەرىنىڭ, جوعارعى سوت سۋديالارىنىڭ, سونداي-اق, باسقا دا مەملەكەتتىك ورگاندار وكىلدەرىنىڭ قاتىسۋىمەن ءوتتى. انت بەرiلگەننەن كەيiن قازاقستان رەسپۋبليكاسىنىڭ مەملەكەتتiك گيمنi ورىندالدى. سونداي-اق, ورتالىق سايلاۋ كوميسسياسىنىڭ توراعاسى پرەزيدەنتكە قازاقستان رەسپۋبليكاسى پرەزيدەنتiنiڭ كۋالiگiن تاپسىردى. ەلامان قوڭىر. دەرەك: «قازاقپارات». سۋرەت: egemen.kz.